جب شعور و فکر پر تاریکیوں کا راج تھا
اک ہستی شمع کی مانند نور افشاں ہوئی
مطلع گیتی پہ ابھری بن کے خورشید سکوں
قاصد خیر و سفیر رحمت یزداں ہوئی
ارض تشنہ کام پر برسا سحاب نور حق
اس زمیں کو ایک انعام حسیں بخشا گیا
بول اے دلدادہ و شیدائی تہذیب نو
محو خواب عیش ہے چشم بصیرت کس لیے
ہے اگر دعواے عرفاں تو بتا ام الکتاب
طاق نسیاں کی بنا رکھی ہے زینت کس لیے
چھوڑ دے یا تو تضاد قول و فعل اے ہم نفیس
یا نہ کر دعواے حب سرور کون و مکان
اے عقیدت کیش وہ میراث مومن کیا ہوئی
کھو چکی ہے جوہر تاثیر کیوں تیری زباں
ہے علاج خاطر ناشاد کی خواہش اگر
بے قراری کا اگر تجھ کو مداوا چاہیے
سرور کونین کو اپنا بنا لے ناخدا
ہاں اگر تیرے سفینے کو کنارا چاہیے
