جو تمہارے غلام ہیں آقا
وہ جہاں کے امام ہیں آقا
میرے دامن میں نذر کرنے کو
بس درود و سلام ہیں آقا
میری ہستی کی تیرہ شب کے لیے
آپ ماہ تمام ہیں آقا
ایک پیالہ عطا ہو کوثر سے
ہم بہت تشنہ کام ہیں آقا
اپنی قسمت پہ کیوں نہ ناز کریں
ہم تمہارے غلام ہیں آقا
آپ سرور ہیں ، آپ ہی رہبر
آپ خیرالانام ہیں آقا
مشعل راہ سیرت اطہر
نقش نقش دوام ہیں آقا
ان کو تاثیر کچھ عطا کیجیے
لفظ اشرف کے خام ہیں آقا
مصنف: افتخار عارف
مصنف: مظفر وارثی