نعت رسول کریمﷺ

اج سک متراں دی ودھیری اے ، کیوں دلڑی اداس گھنیری اے
لوں لوں وچ شوق چنگیری اے ، اج نیناں لائیاں کیوں جھڑیاں

مکھ چند بدر شعشانی اے ، متھے چمکے لاٹ نورانی اے
کالی زلف تے اکھ مستانی اے ، مخمور اکھی ھن مدھ بھریاں

ایس صورت نوں میں جان آکھاں ، جان آکھاجان جہان آکھاں
سچ آکھاں تے رب دی میں شان آکھاں ، جس شان توشاناں سب بنیاں

اے صورت شالا پیش نظر ، روے وقت نزاع تے روز حشر
وچ قبر تے پل تھی جد ھو سی گزر ، سب کھوٹیاں تھیں سن سب کھریاں

سبحان اللہ مااجملک ، مااحسنک ، مااکملک،
کتھے مہر علی کتھے تیری ثنا ، گستاخ اکھی کتھے جالڑیاں