نعت رسول كريم
ہم ہیں تمہارے تم ہو ہمارے
محمد پیارے
تم ہو چاند اور ہم ہیں تارے
محمد پیارے
سب سے اچھا دین تمہارا
حکم خدا آئین تمہارا
تم نے ہمارے ذہن سنوارے
محمد پیارے
پیار سکھایا عدل سکھایا
رنگ و نسل کا فرق مٹایا
دور کیے سارے اندھیارے
محمد پیارے
بندوں کو مولا سے ملایا
قطروں کو دریا سے ملایا
موڑے تم نے وقت کے دھارے ---محمد پیارے
گمراہوں کو راہ دکھائی
قاتل بھی ٹھہرے شیدائی
تم جیتے اور دشمن ہارے
محمد پیارے
سنت اور قرآن پہ چل کے
کہلائیں شہکار عمل کے
مانگیں دعا ہم مل کے سارے
محمد پیارے
مظفر وارثي
مصنف: افتخار عارف
مصنف: مظفر وارثی