حمد
تعريف اس خدا كی جس نے جہاں بنايا
كيسی زميں بنائی ، كيسا آسماں بنايا
پيروں تلے بچھايا،كيا خوب فرش خاكی
اور سر پہ لاجوردی اك سائباں بنايا
مٹی سے بيل بوٹے، كيا خوشں نما اگائے
پہنا كے سبز خلعت، ان كوجواں بنايا
سورج سے ہم نے پائی گرمی بھی ، روشنی بھی
كيا خوب چشمہ تو نے اے مہرباں ، بنايا
ہر چيز سے ہے تيری، كاری گری ٹپكتی
يہ كارخانہ تو نے كب رائيگاں بنايا
يہ پياری پياری چڑياں پھرتی ہيں جو چہكتی
قدرت نے تيری ان كو، تسبيح خواں بنايا
رحمت سے تيری ،كيا كيا ہيں نعمتيں ميسر
ان نعمتوں كا مجھ كو كيا قدرداں بنايا
اسماعيل ميرٹھی
