حمد

حمد رب جليل

كس كا نظام راہ نما ہے افق افق

كس كا دوام گونج رہا ہے افق افق

شان جلال كس كي عياں ہے جبل جبل

رنگ جمال كس كا جما ہے افق افق

كس كے ليے نجوم بكف ہے روش روش

باب شہود كس كا كھلا ہے افق افق

كس كے ليے سرود صبا ہے چمن چمن

كس كے ليے نمود ضيا ہے افق افق

مكتوم كس كي موج كرم ہے صدف صدف

مرقوم كس كا حرف وفا ہے افق افق

كس كي طلب ميں اہل محبت ہيں داغ داغ

كس ادا سے حشر بپا ہے افق افق

سوزاں ہے كس كي ياد ميں تائب نفس نفس

فرقت ميں كس كي شعلہ نوا ہے افق افق

حفيظ تائب