بزمِ حبیباں میں سستی سے جانامشکل ہو جاتاہے
جا پہنچوں توسچ کہتاہوں آنا مشکل ہو جاتاہے
الجھی الجھی اور پیچیدہ سی باتوں کاذکر ہی کیا
سادہ سادہ باتوں کا پہنچانا مشکل ہو جاتا ہے
کیسی کیسی خیال کی لہریں دل دریامیں اٹھتی ہیں
چولا جن کو لفظوں کا پہنانا مشکل ہو جاتا ہے
گاہے گاہے پہلو میں پتھر سا دھڑکنے لگتاہے
گا ہے گاہے دو آنسو ٹپکانا مشکل ہو جاتا ہے
حق سننے ، حق پر چلنے کا وعظ تبسم آساں ہے
خود سے مگر ‘اوروں کا حق’ سننا مشکل ہو جاتا ہے
مصنف: مشیر کاظمی
