با دِ رحمت سنک سنک جائے
وادی جاں مہک مہک جائے
نام پاک ان کا ہو لبوں سے ادا
شہد گویا ٹپک ٹپک جائے
جب چھڑے با ت نطق حضرت کی
غنچہ فن چٹک چٹک جائے
ارضِ دل سے اٹھے نوائے درود
گونج اس کی فلک فلک جائے
ماہ طیبہ کا جب خیال آئے
شب ہجراں چمک چمک جائے
رہ نما گر نہ ہو وہ سیرت پاک
ہر مسافر بھٹک بھٹک جائے
فیض چشم حضور کیا کہنا
ساغر دل چھلک چھلک جائے
چشم سرکار گر نہ ہو نگراں
نسل آدم بہک بہک جائے
مطلع کائنات پر تائب
نور کس کا جھلک جھلک جائے
