سوال ، جواب

سوال: کتاب و سنت کی روشنی میں علمائے دین اس مسئلے کے بارے میں کیا راہنمائی کرتے ہیں کہ ایک آدمی اولادِ نرینہ کی خاطر دوسری شادی کی خواہش کرتا ہے اور وہ دوسری شادی کے لیے اپنی پہلی بیوی کو بارہا منانے کی کوشش کرتا ہے اور نکاحِ ثانی سے پہلے زبانی کلامی طور پر ہر چیز اپنی پہلی بیوی کو دینے کے لیے تیار ہوجاتا ہے اور غیر مشروط طور پر ایک عدد مکان ایک کنال پر محیط، دس لاکھ روپے اور لے پالک بچے کے نام دو عدد پلاٹ پانچ پانچ مرلے اور اپنے کاروبار میں سے صوبہ سرحد کا ٹور جس کی رقم یا آمدنی کا پانچ فی صد ہر ماہ دیا کرے گاپہلی بیوی اس کی دوسری شادی پر کسی طرح بھی راضی نہ ہوئی۔ پھر اس آدمی نے پہلی بیوی کو بتائے بغیر کچھ دن بعد نکاح کر لیا۔ تو پہلی بیوی انتہائی پریشان ہوئی اور اپنے شوہر کو کیے ہوئے وعدے یاد دلانے لگی۔ بیوی کے وعدہ یاد دلانے پر شوہر نے کہا کہ تم کس چیز سے پریشان ہوتی ہو، میں آج بھی اپنے وعدے پر قائم ہوں اور ہر چیز ہبہ کرتا ہوں اشٹام پیپر لاؤ میں اس پر تحریر کر دیتا ہوں۔ چوں کہ رات کا وقت تھا، اشٹام پیپر موجود نہ تھا اس لیے ایک ڈائری پر یہ سب کچھ تحریر کر دیا گیا اور پانچ لاکھ نقد بھی ادا کردیا، کچھ عرصہ بعد اس میں سے پچاس ہزار روپیہ اس شرط پر لیا کہ اب وقتی طور پر میرے پاس مکان کے کاغذات بنوانے کے لیے پیسے نہیں ہیں، میں بعد میں یہ پیسے ادا کر دوں گا۔ 22-G سبزہ زار والا مکان پہلی بیوی کے نام لگوانے کے لیے کام شروع کردیا گیا۔ مختار نامہ عام بنوا لیا گیا، اسے بعد میں delayکر دیا گیا، اور سرحد ٹور کے پیسے حسب وعدہ ادا کیے جانے لگے۔ پہلے مہینوں میں دس ہزار ، سات ہزار،چھ ہزار ادا کرتے رہے پھر تقریباً ایک سال سے پیسے سات ہزار فکس کر دیے گئے۔ اب چھ ماہ سے وہ رقم بھی ادا نہیں کی۔پہلی بیوی کا جیب خرچ چار ہزار روپے مقرر تھا دوسری کے آنے پر اس کی رضا مندی سے پوچھنے کے بعد دو ہزار اس کا مقرر ہوا۔ اس مختصر سی توضیح کے بعد چند امور وضاحت طلب ہیں۔

سوال: کیا مذکورہ شخص اپنی پہلی بیوی سے کیے ہوئے وعدوں کی تکمیل کا پابند ہے یا کہ دوسری بیوی کو بھی اتنی ہی مالیت کی اشیا لے کر دے پھر برابری اور مساوات شروع کرے؟

سوال ۔ لے پالک بیٹے کے لیے جو دو عدد پلاٹ پانچ پانچ مرلے کا وعدہ کیا ہے وہ بھی پورا کیا جائے گا یا کہ نہیں؟ جب کہ دوسری بیوی سے اولاد موجود ہے۔

سوال۔ دو بیویوں کے درمیان عدل و مساوات کے حدودکیا ہیں؟ مثلاً ایک عورت کے پاس پہلے سے مکان اور گھریلو استعمال کی چیزیں موجود ہیں دوسری شادی پر اس بیوی کے لیے پہلے اتنا ہی مکان اور گھریلو اشیا فراہم کرے گا اور پھر مساوات شروع کرے گا؟ اور شوہر دوسری بیوی کو اگر کوئی چیز خریدکر دیتا ہے اور وہ چیز پہلی بیوی کے پاس موجود ہے تو پہلی کو اس کے برابر کوئی اور چیز لے کر دے گا یا اتنی رقم دے گا کہ وہ اپنی کوئی اور چیز بنا لے؟ یا کسی اور جگہ پر اپنی مرضی سے صرف کر لے؟کیا مرد پر لازم ہے کہ اگر نیا گھر دوسری بیوی کو بنا کر نہیں دے سکتا تو پہلا گھر اور ضرورت کی اشیا دو حصوں میں برابر بانٹ دے۔

سوال: پہلی بیوی کا جیب خرچ چار ہزار مقرر تھا اور دوسری کے لیے دو ہزار مقرر ہوا۔ آیا اب اس جیب خرچ میں برابری ہوگی یا اسی حساب سے کمی بیشی ہوگی۔ یعنی پہلی کو اگر اگر چار ہزار سے پانچ ہزار کردیتا ہے تو دوسری کو دو ہزار سے تین ہزار کرے گا؟

سوال: ایک سوال یہ ہے کہ خاوند کی اطاعت کی حدود کیا ہیں؟ اگر شوہر اپنی اہلیہ سے اپنے سسرال والوں کی خدمت کے لیے کہہ دے اور عورت کا دل راضی نہ ہو تو کیا وہ شوہر کا حکم مان کر اس کے سسرال والوں کی خدمت کرے گی اور اگر نہیں کرتی تو کیا خاوند کی نافرمانی کے باعث گناہ گار ہوگی؟

سوال: اس وقت میری بھانجی کی عمر تقریباً ڈیڑھ برس ہے اور اس کی والدہ کا انتقال ہوچکا ہے۔ والدہ کے انتقال کے وقت بچی کی عمر تقریباً تیرہ ماہ تھی۔ بچی یعنی ہماری بھانجی پیدائش کے دن سے ہی اپنی نانی کے گھر پرورش پارہی ہے، اس دوران میں اس کا باپ اسے دیکھنے کے لیے صرف دو یا تین دفعہ آیا ہے وہ بھی پیدائش کے شروع کے دنوں میں، اس کے بعد دوبارہ اس نے بچی سے ملنے کی کوئی خواہش نہیں کی۔ اب وہ بچی کو حاصل کرنا چاہتا ہے جب کہ بچی کی نانی ابھی زندہ ہے اور صحت مند ہے بچی کے چار ماموں بھی ہیں۔ بچی کا باپ اس کو صرف اس لیے حاصل کرنا چاہتا ہے کہ بچی کے پیچھے اس کی والدہ جو جائداد چھوڑ گئی ہے وہ بچی کے ذریعے اس کو مل جائے۔ مہربانی فرما کر ہمیں یہ بتایا جائے کہ بچی کی پرورش کا حق بالغ ہونے تک کس کو ہے؟ اور اس کی پرورش کا خرچہ کہاں سے لیا جائے یا کس کو ادا کرنا چاہیے؟