حمد باری تعالیٰ
مرے خدا مرے لفظ و بیاں میں ظاہر ہو
اسی شکستہ و بستہ زباں میں ظاہر ہو
زمانہ دیکھے میرے حرفِ بازیاب کے رنگ
گلِ مرادِ ہنر دشتِ جاں میں ظاہر ہو
میں سرخروِ نظر آںِ کلام ہوں کہ سکوت
تری عطا مرے نام و نشاں میں ظاہر ہو
مزہ تو تب ہے جب اہلِ یقیں کا سرِ کمال
ملامت سخن گمرہاں میں ظاہر ہو
گزشتگانِ محّبت کا خواب گم گشتہ
عجب نہیں کہ شبِ آئیندگاں میں ظاہر ہو
پسِ حجاب ہے اِک شہسوارِ وادءِ نور
کسے خبر اسی عہدِ زیاں میں ظاہر ہو
(افتخار عارف)
