چاہتے ہو جو نصیبِ لبِ یزداں ہونا
وجہ تخلیق دو عالمؐ کے ثنا خواں ہونا
تھے سبھی کوہ و دمن ، جن و ملائک معذور
کوئی آسان نہ تھا صاحبِ قرآں ہونا
آپ کے حسن تکلم پہ عمل کا جوہر
بنی آدم کو سکھا دیتا ہے انساں ہونا
حشر میں دامنِ رحمت میں چھپانا آقاؐ
میری تحقیر ہے منت کشِ رضواں ہونا
رفعتِ زیدؓ مسلم ہے فلک تا بہ فلک
فخرِ جبریلؑ امیں آپ کا درباں ہونا
دم بدم اس میں سجاتے رہو گلہائے درود
زلفِ ہستی کو بالآخر ہے پریشاں ہونا
شرک و الحاد پرستی کے زمن میں ازہرؔ
باعثِ فخر سمجھتا ہوں مسلماں ہونا!
مصنف: افتخار عارف
مصنف: مظفر وارثی