ذلت عجیب برسرِ محفل ملی اُسے
تھے جس کو سرفرازی کے دعوے بڑے بڑے
دیکھو اُسے جو دیدۂ عبرت نگاہ ہو
دس نمبر پہ جوتے بھی دس نمبری پڑے
لوگ خائف تھے دیکھیے کیا ہو
اُس کا اعلیٰ مقام و منصب ہے
سب کو حیرت بہت ہوئی جب بش
ہنس کے بولا ‘‘مجھے لگا کب ہے’’
جوتا اُچھلا تو مالکی سمجھے
یہ ستارے کی اپنے گردش ہے
بش نے پھرتی سے منہ بچا کے کہا
‘‘یار اس کی تو مجھ کو عادت ہے’’
درحقیقت تمھی سے نافرمان
گونتامو میں جیل کاٹتے ہیں
تم نے جوتا اُٹھا کے مارا اُسے
جس کے ہم لوگ جوتے چاٹتے ہیں
