یاایھا المزمل
اے مرسل پاکیزہ خو کس خلق کا پیکر ہے تو
قرآن ہے گویا ہو بہو
کشور کشائے بحر و بر احسان ہے تو سر بسر
تو ہر زماں کی آبرو
تو کائنات حسن ہے تیری زکات حسن ہے
یہ آب و گل، یہ رنگ و بو
سب رنگ ہیں اک رنگ سے بتلا دیا کس ڈھنگ سے
دل پر بٹھا کر نقش ہو
تھے و ہ نجوم اہتدا بخت ان کے تھے کتنے رسا
بیٹھے جو تیرے رو برو
روما ، حبش ، ایران سے سب آکے تیرے ہو گئے
جن کو تھی حق کی جستجو
خوابوں میں آکر مسکرا بیداریوں کو جگمگا
اے آمنہ ، کے ماہ رو
چہرہ ترا تکتا رہوں تجھ سے تری باتیں سنوں
رکھتا ہوں میں بھی آرزو
دیکھے دعا باب اثر شام الم کی ہو سحر
مدحت سرا ہو مو بہ مو
یا ایھا المزمل
مصنف: افتخار عارف
مصنف: مظفر وارثی