ازل ابد کی نوا لا الہ الا اللہ
ہے ورد صبح ومسا لا الہ الا اللہ
ہر ایک مرض کی دوا لا الہ الا اللہ
دل و نظر کی شفا لا الہ الا اللہ
محمد صلی اللہ علیہ وسلم کی زبان اطہر سے
سبق بھی ملا تو کیا لا الہ الا اللہ
بلال جلتے رہے ریت پر خموشی سے
اگر کہا تو کہا لا الہ الا اللہ
وہی ہے جملہ مصائب میں ناصر و یاور
وہی ہے عقدہ کشا لا الہ الا اللہ
عدیل جرم و نکوئی وکیل خورد و کلاں
کفیل شاہ و گدا لا لا الہ الا اللہ
شجر حجر ہیں اسی کے حضور سر بسجود
سرود باد صبا لا الہ الا اللہ
اسی کی رحمت و عفو کا طالب ہے
علیم حمد سرا لا الہ الا اللہ
