حمد باری تعالی
لفظ كن سے پہلے كيا تھا، رب تھا، رب ہے ، رب ہی رہے گا
سب كا مالك سب كا داتا ، رب تھا، رب ہے ، رب ہی رہے گا
اعلی و افضل ، واحد و يكتا، رب تھا، رب ہے ، رب ہی رہے گا
كون و مكان ميں ہے يہ چرچا، رب تھا، رب ہے ، رب ہی رہے گا
ہم سب كا معبود وہی ہے ، ہم سب كا مقصود وہی ہے
اہل حق كا ہے يہ نعرہ ، رب تھا، رب ہے ، رب ہی رہے گا
آگ كو جو گلزار بنا دے ، نوح كا بيڑا پار لگا دے
كون ہے ايسی قدرت والا ، رب تھا، رب ہے ، رب ہی رہے گا
دھرتی، امبر، سورج، چندا، پربت، جنگل ، بادل، دريا
ہر سو بكھرا اس كا جلوہ ، رب تھا، رب ہے ، رب ہی رہے گا
سب پہ برابر اس كی نظر ہے ، نيك و بد كی اس كو خبر ہے
بھيد دلوں كا جاننے والا ، رب تھا، رب ہے ، رب ہی رہے گا
وہ تو بڑا رحمان ہے انور، اس كا بڑا احسان ہے ہم پر
سب سے محبت كرنے والا ، رب تھا، رب ہے ، رب ہی رہے گا
اسحاق انور
