ہے تیرے لطف و عنایت پہ گزارا میرا
تیری ہی ذات ِ گرامی ہے سہار ا میر ا
زندگی میری تیرے لطف و کرم کا اعجاز
توُ نے ہر بگڑا ہو ا کام سنوارا میرا
تیری تخلیق بھی میں ہوں ، ترا شہکار بھی
تیرے خورشید سے روشن ہے ستارا میرا
مجھ کو تشکیک کے شعلوں سے بچا نا یا رب
میرا دامن نہ جلا ڈالے شرارا میرا
یاد سے تیری سجے روز جریدہ دل کا
ذکر سے تیرے چھپے روز شمارہ میرا
چلنے پھرنے کی سہولت بھی عطا ہو مولا
کام بن جائے جو بن جاؤ سہارا میرا
