میرے اچھے سچے بابا
میرے پیارے پیارے بابا
سچ بتلاؤ
وہ جو تمہارے کمرے کی اس کونے والی کھٹیا پر
ہانپتی، کانپتی
روتی ، دھوتی، آہیں بھرتی
بیٹے بہو سے خفا خفا سی
دودھ دوا کی خاطر لڑتی
پھٹے پرانے، میلے کچیلے کپڑے پہنے
اپنے مرجھائے چہرے کو
سرہانے رکھے شیشے میں
دیدے پھاڑ کے دیکھا کرتی
اندر دھنسی ہوئی آنکھوں کو
دیکھ کے اکثر آہیں بھرتی
وہ ہستی اب اوجھل کیوں ہے آنکھوں سے
بیٹوں بہوؤں کے گھر میں دیوالی کیوں ہے
وہ کونا اب خالی کیوں ہے
