اے الٰہ مجھ کو وہی میرا زمانہ دے دے
کب میں کہتا ہوں مجھے تاجِ شہانہ دے دے
مرے اللہ میں کیا مانگوں یہی کافی ہے
درد دے کر مجھے رونے کا بہانہ دے دے
غیر کے در پہ میں کیوں جاؤں سوالی بن کر
اپنی دہلیز پہ مرنے کا ٹھکانہ دے دے
تو مجھے پارچہء نانِ شبانہ دے دے
فقر دے کر مجھے اندازِ شہانہ دے دے
میں نے کیا کرنی ہے لے کر وہ قْبائے دارا
مجھ کو کمبل وہ ابوذر کا پْرانا دے دے
دے دے واپس وہی انداز وہی شان مجھے
خاک کا فرش تو پتھر کا سرہانا دے دے
گاڑ کر نیزہ میں سو جاتا تھا صحراؤں میں
اے الٰہ مجھ کو وہی میرا زمانہ دے دے
