خطرناک روحانی بیماریوں میں ایک خاموش مرض بھی شامل ہو چکا ہے جس کی کوئی بھی علامت نہیں ہوتی لیکن آپ کو سخت نُقصان پُہنچا سکتی ہے۔یہ بیماری ہے! نعمت کا عادی ہونا ۔اس بیماری کی چار نِشانیاں ہیں۔
۱۔ آپ بُہت سی نعمتوں سے مالامال ہوں لیکن اُن کو نعمت نہ سمجھیں اور اُن سے متعلق کبھی شُکر ادا نہ کریں گویا اُن کو اپنا ایسا حق سمجھیں جو آپ کو مِلنا ہی تھا۔
۲۔ آپ گھر میں داخل ہوں اور گھر کے تمام افراد صحتمند اور سلامت ہوں لیکن آپ اللہ کا شُکر ادا نہ کریں۔
۳۔ آپ بازار جائیں، جی بھر کے روزمرہ ضرورت کی تمام اشیاء خریدیں اور گھر لوٹیں اور ان طرح طرح کی نعمتیں نصیب ہونے پر مالک کا شُکر ادا نہ کریں اور اسے اپنا حق سمجھیں۔
۴۔ آپ ہر روز مُکمل صحت و سلامتی کے ساتھ نیند سے اُٹھیں، اِس حالت میں کہ کِسی قِسم کی تکلیف میں مُبتلا نہ ہوں لیکن اللہ کا شُکر ادا نہ کریں۔
آئیں دعا کریں۔اے اللہ مُجھ پر رحم فرما کہ میں ایسی خطرناک بیماری میں مُبتلا نہ ہو جاؤں اور توفیق عطا فرما کہ ہر حال میں تیری نعمتوں پر شاکر رہوں۔
(رب اوزعنی ان اشکر نعمتک)
