حمد
ہے جو بےكنار يہ دائرہ، ميرے چار سو ،اللہ ہو
اسی دائرے كےگمان تك، مری جستجو، اللہ ہو
ميرے راستوں ميں قدم قدم ، اسی بے نشاں كے نشاں ہيں
وہی عكس ہے سر آئنہ، مرے روبرو ، اللہ ہو
مرا بخت كيا ، مرا رخت كيا ،مری نيستی ، مرا ہست كيا
مرے چارہ گر ،تير ے ہاتھ ہے مری آبرو، اللہ ہو
تری راہ ميں ، تری چاہ ميں ،كٹے عمر تری پنا ہ ميں
مرے ساتھ ساتھ ہے رات دن ، يہی آرزو ،اللہ ہو
وہ جو سر تنے تھے غرور سے ، جو دكھائی ديتے تھے دور سے
نہ وہ تخت باقی رہے كہيں ،نہ وہ كاخ و كو ، اللہ ہو
ہے زماں مكاںميں جو گونج سی ترے اسم معجزہ ساز كی
يہی ورد جاری رہے سدا، اللہ ہو اللہ ہو
كوئی اجنبی سی مہك سی ہے ، كوئی آشنا سی كسك سی ہے
مری روح جس كی تلاش ميں پھرے كو بہ كو ، اللہ ہو
وہ جو كن كے حرف كا راز ہے ، كھلے كيسے مولا كہ اس گھڑی
نہ زماں تھا ،نہ مكاں تھا ، نہ كوئی نمو ، اللہ ہو
امجد اسلام امجد
