تو ہی ہے بے کسوں کا آسرا، تری شان جل جلا لہ
تو ہی ہر بشر کا ہے مدعا، تری شان جل جلا لہ
ہے عیا ں بھی تو ہے، نہاں بھی تو ہے، یہاں بھی تو ہے وہاں بھی تو
کہ تو ہی تو اپنا ہے خود پتہ، تری شان جل جلا لہ
تو ہی رب ہے، تو ہی کریم ہے، تو قدیر ہے تو رحیم ہے
تو ہی ہے خدا تو ہی ہے کبریا، تری شان جل جلا لہ
تری حمد ہو سکے کیا بیاں ، کہ تو ہی ہے خالق این و آں
ترے ہاتھ میں ہے فنا بقا، تری شان جل جلا لہ
تری کنہہ کوئی نہ پا سکا، ہوا پست عقل کا حوصلہ
کہ ہے عقل کی تو بساط کیا تری شان جل جلا لہ
