- ایک نسل جن چیزوں کوغیر ضروری جان کر گلی میں رکھ آتی ہے ، اگلی نسل ان چیزوں کو اٹھاکر پھر سے گھر میں سجا لیتی ہے آثار قدیمہ کے طور پر۔
- جیسے زیادہ پانی سے پودے کی جڑیں گل جاتی ہیں ایسے ہی بچوں سے لاڈ پیار کرنے سے آ پ بچوں کی جڑوں میں بیٹھ جاتے ہیں۔
- دستر خوان پر اتناکھائیے کہ اٹھ سکیں۔اٹھیں گے نہیں تو دوبارہ کیسے بیٹھیں گے۔
- صفائی ستھرائی کے بے حدشوق کایہ مطلب ہر گز نہیں کہ آپ غسل خانے میں باقاعدہ آباد ہو جائیں۔
- جن چیزوں کو آپ چاندنی رات میں دیکھ کر آہیں بھرتے ہیں انہیں کبھی بھری دوپہر میں دیکھ لیا کریں۔
- آسمان اس پرندے کانہیں ہوتاجس کے پر بڑے ہوں بلکہ اس پرند ے کاہوتا ہے جس کی قوت پرواز زیادہ ہو۔
