بنائے اپنی حکمت سے زمین و آسمان توُ نے
دکھائے اپنی قدرت کے ہمیں کیا کیا نشاں توُ نے
تری صنعت کے سانچے میں ڈھلا ہے پیکرِ ہستی
سمویا اپنے ہاتھوں سے مزاج ِ جسم و جاں تو ُ نے
نہیں موقوف خَلّاقی تری ا س ایک دُنیا پر
کیے ہیں ا یسے ایسے سیکڑوں پیدا جہاں توُ نے
دلوں کو معرفت کے نوُر سے توُ نے کیا روشن
دکھایا بے نشاں ہو کر ہمیں اپنا نشاں تو نے
ہم اب سمجھے کہ شا ہنشاہ ِ ملکِ لا مکاں توُ ہے
بنا یا ا ک بشر کو سرور ِ کون و مکاں توُ نے
چلے ہم نقد ِعصیا ں لے کے آمرُزِش کے سودے کو
کہ نرخ اس جنس کا کچھ بھی نہیں لکھا گراں تو نے
ا ثر تیری عطاؤں پر نہیں پڑتا خطاؤں کا
جسے پیدا کیا اس کو دیا ہے آب و ناں تو نے
محمد ؐ مصطفےٰ کی رحمتُ ِللّعالَمینی سے
بڑھائی یا رب اپنے لطف اور ا حساں کی شاں توُ نے
ترے دربار سے مجھ کو یہی انعا م کیا کم ہے
کیا اپنی ستائش میں مجھے رَطبُ اللساں توُ نے
