حمد رب جلیل

حمد رب جلیل
وہ عظیم، اعلیٰ و برتریں--کہ کمثلہ کوئی شے نہیں
وھی ہست و بود و فنا کا رب--پل و عہد و دہر کا وہ سبب
گئے وقت و ہ ہی لپیٹتا--وھی وسعتوں کو سمیٹتا
ﺟجو زمن نئے ہیں، اسی  کے ہات-- کہ گماں کے بس کی کہاں یہ بات
وہ جو حب و گٹھلی کو پھاڑتا--وہ جو زیست جسموں میں گاڑتا
وھی عقل و قلب سنوارتا--وہی وحشتوں کو سدھارتا
وھی بچپنوں سے نوازتا--وھی قہقہوں سے گدازتا
وہ کہ الفتوںکا ایجاد کرد--وہ کہ صانع رت گرم و برد
جو عہود لوٹ نہ آ سکیں--جو جمود ٹالے نہ جا سکیں
جو معانی لفظ نہ پا سکیں--جو غیاب تاب نہ لا سکیں
وہ سبھی پہ قادر و حکمراں--وہ عزیز و غالب و مُستعاں
وہ لطیف و واسع و بے کراں--وہ شہود و غیب کا رازداں
متغیّرات وثبات سب--ہیں علامتوں کی بساط سب
ترا اندروں، مرا اندروں-- حکم نہاں کا عیاں فسوں
نہ تو دسترس میں یہ دل نہ مَن--کسی دستِ غیب کو سرنگوں
ترا بس نہیں میرا بس نہیں--صفَتِ عجوز سے سب زبوں
وھی مستعاں وھی آسرا--زمَن و جہانوں کا اک خدا