حمد رب جلیل

حمد رب جلیل
تیرے مظاہر ،زماں مکاں
تھوڑی اگر بینائی ہو، تو دیکھ لے کوئی
حدّ نظر تک چھٹکی ہوئی ہے ،تیرے وجود کی کہکشاں
ڈھلتی شام، اْبھرتا سورج ، تیری بیّن نشانیاں
کیسے سماعت میں گْھلتا ہے؟حرفِ دْعا و حرفِ اذاں
بنا ہوا ہوا ہے سْرمہ میری آنکھوں کا، کعبہ کا پاکیزہ سماں
آج بھی تْو بانٹ رہا ہے ،اْمّ قریٰ میں امن و اماں
مانگوں تجھی سے حرمتِ ارضی، حرمتِ جاں
پھیلا ہے ملگجی فضا میں، کیوں بارود کا تیز دھواں
دیکھ کبوتر زخموں سے ہیں لہو لہاں
زخمی پروں میں شاید ابھی باقی ہے جاں
موجِ ہَوا یہ زبانِ حال سے بولے:
لا الٰہ اِلا للہْ، وَحدَہْ لا شَرِیکَ لہْ،
سارے سمندر اور شجر بنیں سیاہی اور قلم
پھر بھی تیری توصیف و مدحت، پاتی ہے تکمیل کہاں؟
اپنا کلام جو کہساروں پر آپ اْتارے
ہو جائیں سب خوف و رْعب سے ریگِ رواں
تری ثناء سے گونج رہا ہے ،دشتِ تمنّا، دشتِ جاں
یَا بَاقِی اَنتَ البَاقِی
یَا شَافِی اَنتَ الشَافِی
یَا کَافِی اَنتَ الکَافِی!
رؤف خلش، حیدرآباد دکن