(یکم مئی، مزدوراں دے عالمی دن دے لئی اک اچیچی نظم)
پہلی مئی دا سورج اُگیا میں وی سب دی ویکھو ویکھی
پہلی مئی دی چھٹی کر لئی سارا دن جلسیاں دے وچ نعر ے مارے
لال رنگ دا جھنڈا پھڑ کے پھرے بزار میں سارے
پلس دا لاٹھی چارج جریا ایک جلوس اچ رلے ٹرک دا
ٹیر میرے پیراں تے چڑھیا سارے دن دا بھکم بھانا
شام دے ویلے گھر جد وڑیا میرے ایانے میرے ہتھاں دے ول ویکھن
ساڈے کھان نوں ساڈے پیو نیں کیہ آند ا اے
میری تینویں چھے مہینے دے پتر نوں
میری جھولی دے وچ پایا آکھن لگی
تاپ دے نال ایہہ مرن والا جے ایہنوں کسے حکیم کو لے جاؤ
نالے دال تے آٹا لے آؤ میری اج دی چھٹی دا تے
مینوں کجھ ناں لبھا میرا پتر باجھ دوائیوں
میرے ہتھاں دے وچ مویا میرے ایانے بھکم بھانے رو رو ہند ے
مینوں دسو مزدوراں دے اس دن اتے
مزدوراں نوں کاہدا فیدا چھٹی دے نہیں پیسے ملدے
بچے بھکھے نیں کرلاؤندے نالے باجھ دوائیوں مر دے
