دل میں کیسی یہ بے کلی اتری
جسم و جاں میں فسردگی اتری
قتل سورج کا ہو گیا شاید !
صبح دم کیوں یہ تیرگی اتری
حوصلہ ہے نہ ولولہ باقی
کس خرابے میں زندگی اتری
رات تو انتظار میں کاٹی
دن ہوا پر نہ روشنی اتری
دل کسی کام میں نہیں لگتا
دھوپ سر سے لگی ، ڈھلی ،اتری
دل جلاؤ تو روشنی ہو گی
قمقموں میں ہے تیرگی اتری
لفظ و معنی کی روح میں اب تو
خضر تیری یہ خامشی اتری
خضر حیات ناگپوری
حال مقیم ابو ظبی
مصنف: مشیر کاظمی
