نصرانیوں کا غلبہ

ج: اللہ کا ایک قانون اس کے ماننے والوں کے لیے ہے اور ایک قانون اس کے نہ ماننے والوں کے لیے ہے۔ ماننے والوں کے لیے جو قانون ہے وہ بالکل بے لاگ قانون ہے اور اس قانون کا تقاضا یہ ہے کہ اگر آپ اللہ تعالیٰ کی شریعت کے تقاضے پورے کریں گے تو وہ آپ کو سرفرازی دے گا، یہ اس کا وعدہ ہے۔ لیکن اگر آپ ایسا نہیں کریں گے تو ذلیل و رسوا ہوں گے۔ جہاں تک دنیا کی دوسری عوام کا تعلق ہے تو ان کے لیے دوسرا قانون ہے اور وہ قانونِ امہال ہے۔ وہ جتنی سرکشی کریں گے اتنا اقتدار ان کو حاصل ہو گا۔ یہ دونوں قانون قرآن میں بیان ہوئے ہیں۔

(جاوید احمد غامدی)