Los Angeles America ka doosra bara shehar hai. 1994 ke baad mera is shehar ka teesra aurzat tha. Los Angeles ko aam tor par 'LA' ke naam se pukara jata hai. 1781 mein jab is shehar ki bunyad rakhi gayi to yeh Spain ki mulkiyat tha. Is ke baad Mexico ka hissa bana aur 1848 mein is poore ilaqe aur California riyasat ko America ne khareed liya. Goya yeh shehar bhi un bastiyon mein se hai jise ahl-e-nazar abad karte hain aur ahl-e-zar khareed lete hain. Nazar aur zar ki yeh kashmakash bohat qadeem hai. Los Angeles business, culture, film, art, fashion aur technology ka ek azeem markaz hai. Dunia ke ameer tareen shehron ki fehrist mein is ka teesra number hai. Hollywood ki wajah se LA ko Entertainment Capital of the World bhi kaha jata hai. Film se mutalliq dunia ki aksar mashhoor shakhsiyat yahin rehti hain. 1821 mein is shehar ki abadi sirf ek hazaar afraad par mushtamil thi jo 1900 mein barh kar ek lakh hogayi aur aaj is shehar mein ek crore tees lakh ke qareeb log bastay hain. 1876 mein yahan rail aayi aur 1892 mein tail daryaft hua. Phir aahista aahista Hollywood ne qabza kar liya. Los Angeles qudrati manazir ka shaandar hai. Yahan pahaar bhi hain, maidan aur samandar bhi. Chalees mile lambay aur tees mile chode is shehar mein New York ki tarah Scrappers Sky nazar nahin aate kyun ke zilzalon ki wajah se yahan buland o bala imaratein banane par pabandi aayi hai. Yahan ke log art aur fun se mohabbat karte hain. Yehi wajah hai ke isay Creative Capital of the World bhi kaha jata hai. Insani tareekh mein aaj tak kisi ek shehar mein itne fankar, adab, raqsaan aur musiqar jama nahi hue jitne is shehar mein rehaish pazeer hain. Shayad Rome aur Athens mein kabhi yeh manzar nazar aya ho. Kuch log Los Angeles ko husn-e-takhleeq ka gahwara bhi kehte hain lekin zaroori nahi ke aap is takhleeqi husn ke gharidah bhi hon. Aaraiyani, fahashi, be-raah rawi, madiyat pasandi, jinsi taluzaat... aap kai tarah ke ilzamat bhi aed kar sakte hain. Lekin is amr se inkar nahi ke yeh jagah fun ka khazana hai. Shehar bhar mein mojood saardhe aath sartaan galleries aur ajaaib ghar is ki gawahi dete hain. Yeh galleries khoon-e-jigar se muzayyan hain. America mein New York ke baad sab se zyada Yahoodi isi shehar mein rehte hain. Yeh koi hairat ki baat nahi keunke Yahoodi wahan bastay hain jahan dolat basti hai. 1923 mein Yahoodioun ne is shehar mein apni sab se badi ibadat gah banayi lekin ab is ibadat gah ko museum aur community center mein badal diya gaya hai. Ibadat gahen ajaaib gharon mein tabdeel hone lagi to aqdar ka mithna thahar jata hai. Dunia ki tag-o-dau mein Khuda kahin peechay reh gaya. Main ne yeh baat apne aik dost ko batayi to uska kehna tha ke Hollywood bohat zalim jagah hai. Yahan Khuda ko ajaaib ghar mein bhi jagah mil jaye to ghaneemat hai. Dolat ki reel peil dekh ke khula ke yahan dolat hi Khuda hai. Saara shehar isi ki puja karta hai. Yahoodioun aur Masihaion ke ilawa Budh mat, Hindu mat, Zoroastrian, Baha'i, Sikh - har mazhab ke log aur un ki ibadat gahen yahan mojood hain. Musalmanon ki aik bhaari aksariyat bhi yahan abad hai lekin hatmi adad o shumar mojood nahi. Apni aqdar ke hawale se musalman abhi tak apna alag tashkhes qaim rakhe hue hain. Lekin bhala kab tak? Tokyo aur New York ke baad LA dunia ka sab se bara karobari markaz bhi hai. Dunia ki chand behtareen universities bhi yahan par hain lekin yeh Ivy League ki tamkeenat aur jah o jalal se peechay hain. So ke lag bhag public libraries. Hollywood ki be-baak fazaa pe to eitraz ki gunjaish nikalti hai lekin libraries pe kaun nuktachin ho sakta hai. Filmi dunia ki chakka chowk.wand be shak maroob kare na kare un kitaabon ki roshni zaroor maroob karti hai. Los Angeles mein ek sau chavalis mumalik ke log rehte hain jo sawa do sau se zyada zubanein bolte hain. Safed faam inchas percent aur doosre aqwam ke log takreeban aikyun percent hain. Goya yeh ek shehar nahi puri dunya hai. Is dunya mein crime bhi bohat manzim andaz mein hota hai. Mujrimon ke chhote bade saare chaar sau se zyada gangs hain jin ki wajah se is shehar ko Gang Capital of America bhi kaha jata hai...........Los Angeles mujhe acha laga. Is liye bhi ke is ko Pakistan ke ek shehr Faisalabad se khaas nisbat hai. 2009 mein dono shehron ko jurwan shehr ya Sister Cities qarar diya gaya tha. California aur Aabai America California America ki ek mufarid riyasat hai. Yahan saarhe chh lakh se zyada arab pati rehte hain. Pakistani rupay ke itibar se yeh arab pati hue. Yeh tadad America ki kisi bhi riyasat se kahin zyada hai. Daulat ki yeh reel peil is teel aur sonay ki wajah se hai jo yahan daryaft hua. Is par Hollywood ki filmi sanat aur technology. America ki tareekh ki tarah California ka maazi bhi misali nahi. Ek taraf khushhali ki dilkash kahani aur doosri taraf qatal o ghart ki ghart gar dastanain. Yeh jannat yunhi abad nahi hui. Is ki bunyad mein un logon ka beheta hua khoon bhi hai jinhe kabhi Red Indians kaha jata tha lekin ab yeh aabai America ya Native Americans kehlate hain....... Yeh log hazaron saal se yahan abad the. Phir pandrahwain sadi mein ek toofan utha aur woh Europe se anay wale is toofan ki tab na la saky. Safed faam abadkaron ne unhe ya to tehe teegh kardiya ya phir unki azadi salb kar li. Lakhon nahtay aur masoom log apni jaan ganwa bethe. Karaye ke sipahiyon aur musallah lashkaroon ne zulm ki inteha kardi. Hai jurm zaeefi ki saza marg e mufajat. Jo log qatal o ghart se bach gaye unhein bade bade qaid khano mein band kardiya gaya. Bhook, qehat, bimari. Rafta rafta yeh log safa-e-hasti se napaid hone lage. Kahin kahin kuch group apni rawayat ko abhi tak galey se laga kar zinda hain lekin yeh maroja maanen mein American shahriyat ke hamil nahi. Doosri janib wahi log jin ke haath mein khanjar tha aaj Masiha hain. Yehi tareekh ka almiya hai: Daman pe koi cheent na khanjar pe koi daagh Tum qatl karo ho ke karamat karo ho Chicago Tez hawayein, buland imaratein, khoobsurat jheelain. Chicago sirf yehi kuch nahi balkay karobar aur tijarat ka bohat bara markaz bhi hai. 1833 mein jab yeh shehar abad hua to is ki abadi do sau afrad pe mushtamil thi. Aahista aahista is abadi mein izafa hota gaya. In dino aamad o raft ke liye rail hi wazeh zaraya thi. Chicago railway ka markaz qarar paya aur is shehar mein sanaati sargarmiyan tezi se nashwanuma pane lagi. Neelgoh jheelain, barfila pani, rangin naqsh wangar wale parinde. Kaun hai jo is roman parwar mahol mein na rehna chahe. Parindon ko ek acha dost mil gaya. Shehar abhi abad ho raha tha ke 1871 mein ek roz aag bhadak uthi. Tez hawayein is aag ko tez karne lagi. Kayi din tak sholay aasman se baatein karte rahe. Jab aag sardi hui to adha shehar jal ke raakh ho chuka tha. Lakdi ki bani hui khoobsurat imaraton ka naam o nishan baqi na raha. Raakh ke is dheer mein tameer no kaa ek shola magar zinda tha. Isi shole ne is shehar ko ek naya roopDe diya. Wohi imaratein jo khakstar ho gayin, dobara tameer hone lagi. Lekin ab ki baar maimaron ne in mein lakdi ki bajaye steel bhar diya. Yeh tameer ka ek naya andaz tha jis ki badolat duniya bhar mein falak bos imaraton Sky Scrappers ka dour shuru hua. Tameer aur taraqqi, sanat aur hirfat, karkhanay. Yehi woh din hain jab barsaghair postiyon mein doob raha tha. Aahista aahista yeh shehar mazdooron ki aamagah banne laga. Duniya bhar mein manaye jane wale mazdooron ke din yekam May ki riwayat yahi se shuru hoti hai. Inn dino yahan kisi ko insani haqooq ki itni parwana thi. Mazdooron ko thora muaawza diya jata aur zyada kaam liya jata. Nateeja yeh nikla ke ek roz ihtijaaj hua aur ihtijaaj ke doran kuch log baghawat pe tall gaye. Baghawat ka pehla inaam tashaddud aur doosra maut hai. Goli chali aur kuch begunahon ko apni jaan se haath dhona pada. Chicago ke inn shohdaon ka lahoo ek alamat ban gaya. Yeh alamat ek sau saal tak unka lahoo garmati rahi. Ab na woh alamat hai aur na is alamat ke alambrdar hain. Sarmaye ki andhi ne ihtijaaj ki yeh shama bhi gul kar di. Chicago ne apne mazdooron ko bhula diya aur mazdooron ne Chicago ko. Haan kahin kahin yekam May ki chhuti zaroor hoti hai. Lekin haqooq ki chhuti se nahi milte. 1871 mein Chicago mein lagnay wali aag to bujh gayi lekin is aag ne maashi taraqqi ke aalou ko aur bhadka diya. Europe ke door draz mumalik se log Chicago ka rukh karne lage. Shehar mein mojood khubsurat jheelon ke gird ghar, dafatar aur karobari markaz ban gaye. Aaj takreeban ek tehai shehr jheelon ke ird gird aabadi hai. Chicago Downtown ko Loop kehte hain. Karobari markaz, restaurants, shopping malls, ajeeb ghar, art galleries, sang o khisht ki buland imaratein aur in sab mein ghira hua insaan. Sears Tower, jo Chicago ki sab se buland imarat hai, ki aakhri manzil se neeche dekhein to insaan bohot chhota nazar aata hai. Baray baray taraqqi yafta shehron ka yehi almiya hai.