Salim Government College Shukargadh mein mera shagird tha. Khubsurat, khush akhlaq, laa'iq aur pakka namazi. Iss liye mere dil mein us ki khaas qadar thi. Shukargadh se FS.c karne ke baad Salim mere college Sialkot chala gaya aur wahan se BS.c karke qismat azmayi ke liye Karachi muntaqil hogaya. Wahan gaya to woh mulazmat ki talash mein tha magar ek nojawan lady lecturer us ki shakhsiyat ki ra'naai par marmari aur us ne israar kar ke us se shadi kar li. Lady lecturer ka wahan apna makaan tha chananche Salim ko baithay bithaye ek "kamao" biwi bhi mil gayi aur rehne ke liye munasib makaan bhi. Salim halankay BS.c tak taleem hasil kar chuka tha magar us ke paas koi pesha warna degree nahi thi iss liye Karachi mein usay koi mulazmat nahi mili. Yun bhi chunke biwi ki tanqaa manasib thi aur rehne ke liye makaan bhi. Iss liye woh bhi sust hogaya aur us ka saara waqt farigh rehne aur aish karne mein guzarta raha. Iss tarah dekhte dekhte chhe saal guzar gaye aur us doran mein Khuda ne usay char bachay ata kar diye: Do betay, do betiyan. Aur phir us ne "azad" fazaa mein zindagi guzarnay ki khatar Europe janay ka faisla kar liya aur Germany chala gaya. Germany mein woh char saal muqeem raha. Magar wapas aaya to miyan biwi ke darmiyan ghalat fehmiyan paida hoti chali gayi aur nobat yahan tak puhnchi ke dono ka ikathey rehna mumaal ho gaya aur biwi ne baqaida adalat mein muqadma karke khal'a hasil kar liya. Main 1997-1998 mein Government College of Science Wahdat Road, Lahore tha jab ek roz Salim mere paas aya. Us ki shakhsiyat ki ra'naai aur dilkashi mein chandah farq nahi aya tha magar sanjeedgi aur udasi ne us ke chehre ko kamla diya tha. Us ne apni saari kahani sunayi aur yeh afsos naak khabar bhi di ke Germany se jo kuch kama kar laya tha us ka kuch hissa begum ne hathiya liya aur jo kuch bacha tha woh Lahore mein ek fraudiyay dost ne uchak liya. Us ne karobar ka jhansa diya tha aur main ne saari raqam us ke hawalay kar di thi. Chananche Salim ne rohansay chehre ke sath bataya ke ab woh bilkul deewana hochuka hai aur usi maqam par hai jahan Karachi jane se pehle tha. Main ne poocha ke iss nuksaan-e-azeem ki wajah kya hosakti hai to us ne saaf goi se kaha ke Germany mein us ka mazhabi kirdar khatam hogaya tha aur woh wahan ke mahaul ki aaludgiyon se mehfooz nahi reh saka tha. Zahir hai phir wahi kuch hua jo hona chahiye tha. Us par Allah ki narazgi ka kura khoob barsa. Biwi haath se gayi, bachon se mehroom hua, ghar biwi ka tha us se nikala gaya aur Germany se jo kuch kama kar laya tha woh sab ghairat hogaya. Ab woh ghar ka hai na ghath ka. Aur yeh karishma hai us ki badamaliyon ka aur Europe yatra ka. Amanat Ali marhoom mera door ka rishta dar tha. Taleem us ki zyada nahi hosakti thi mehaz BA kar saka aur ek sarkari muhakme mein junior clerk tha ke koshish kar ke woh Saudi Arabia chala gaya aur wahan ek lambay arsey tak muqeem raha. Amanat Ali ek azad khayal aadmi tha aur akhlaqi pabandiyon ka chandah lahzah nahi karta tha. Misal ke taur par ek bar mere ghar aya to kehne laga: Main bhabi mukhtaram se milna chahta tha. Main ne jawab diya ke meri biwi ek pardah dar khatoon hai aur ghair mardon ke samne nahi aati. Iss par woh bara barham hua ke phir aap meri biwi ke samne kyun aate hain. Main ne kaha ke main ne kabhi bhi aap se yeh mutalba nahi kiya ke aap ki begum mere samne aaye. Main aap ke ghar jata hoon to woh drawing room mein khud mere samne ajati hai to main kya karun. Baton ke doran Amanat Ali ne poocha: Beti jawan ho?Hi hai uss ne FS kiya hai ab kya kiya jaye? Main ne kaha ke behtar hai ke koi munasib rishta dekh kar us ki shadi kar dein lekin uss ne meri baat se ikhtilaf kiya: Nahi main to usay computer course karwaon ga aur business ki training doon ga takay woh kamyaab business kar sake. Amanat Ali Jeddah mein moqeem tha. Us ki biwi aur bachay Pakistan mein rehte thay aur woh bohot lambay waqfe ke baad dedh do saal ke baad hi wapas aata tha aur main hairan pareshan hota tha ke us ki biwi jawan hai, khoobsurat hai phir dono ka guzara kaise hota hai? Dhamaka to us waqt hua jab pata chala ke Amanat Ali bimar hokar Lahore ke ek cancer hospital mein dakhil hogaya hai. Main aiyaadat ke liye gaya. Bechara bebas ka tasveer bana bistar par daraz tha jabke us ki biwi puri chamak damak ke sath paas baithi thi. Pata chala ke cancer ne us ke jigar ka safaya kar diya hai. Kuch nahi kaha ja sakta ke miyan biwi mein se kaun is ilmey ka zimmedar tha ya shayad dono thay. Ajmal zehni nojawan tha. Matric ke baad us ne bijli ka, AC ka aur fridge marammat karne ka kaam seekh liya. Qismat ne yauri ki aur usay Kuwait mein mulazmat mil gayi aur isi bina par us ki shadi ek ameer khandan mein ek khoobsurat larki se hogayi. Dekhne mein aya hai ke ghareeb nojawan bahir mulk nokri karte hain to un ki sari tag o do jaydad banane mein sirf hoti hai. Plot khareedna, baray makaan banana aur biwi bachon ko aish o ishrat ke saman faraham karna un ka pasandida mashghala ban jata hai. Ajmal ne bhi rehne ke liye makaan banaya, do teen plot khareede lekin us ki zyada tawajjo biwi ko khush rakhne aur us ke matallbat puray karne mein lagi rehti thi. Woh dedh dedh do do saal Pakistan nahi aata tha lekin hairat angaiz tor par us ki biwi khush rehti thi. Khoob saj dhaj ke sath zindagi guzarti. Khoobsurat to thi hi, dolat aur aish o ishrat ne us ki shakhsiyat ko mazeed nikhar diya tha. Lekin yeh khabar poore khandan ne nihayat dukh aur intehai sadme ke sath suni ke sirf chaalis saal ki umr mein Ajmal ki biwi cancer mein mubtala hogayi aur yeh marz barhta hi chala gaya. Sab se pehle us ka gala mutasir hua aur phir yeh takleef jism mein phailti hi chali gayi aur jigar tak pohnchi gayi. Shadeed azab usay halkan kiye rakh'ti aur pani bhi peeti to us ki jaan pe bann aati. Yeh jaan lewa amal aik do nahi poore char saal tak jari raha. Begum Ajmal ke liye zindagi azab ban gayi thi. Woh aksar mout ki duaayein karti lekin mout usay bhool hi gayi thi. Pata chala ke jab Ajmal Kuwait mein tha to us ki biwi ne kitne hi mardon se talluq qaim kar liya tha. Ghar mein aish ka har saman mojood tha aur woh khoobsurat aur jawan thi aur shohar bohot door tha. Phir woh yeh raasta ikhtiyar kyun nahi karti. Aur yehi raasta usay jahannam ki taraf le gaya. Duniyawi aitbaar se bhi aur aakhirat ke hawale se bhi. Main ne ek jawan ko dekha, umar yehi koi 35 saal hogi, lekin naqahat aur afsurdgi ki goya tasveer bana hua tha. Sar jhukaye, aankhein zameen mein gahri, bojhla qadmon ke sath itna aahista aahista chal raha tha ke mujhe tars aane laga. Woh thode faslay par mere aage tha. Main jald hi us se mulaqat ki, usay salaam kiya aur poocha: Kya baat hai aap bimar hain kya? To us ne sar utha kar meri taraf dekha aur jawab diya: Bimar nahi hoon bas haalaat ke haathon pareshan hoon. Us ne bataya: Shadi shuda hoon, Allah ne do juraan betay ata kiye. Bohot khoobsurat, bohot pyare magar biwi se mere talluqat kharab ho gaye. Main ne usay raazi karne ki poori koshish ki. Us ka har matlooba maan liya magar woh kisi dhab par nahi aayi, ghar chhod kar apne waldain ke paas chali gayi aur phir us ne khula ka muqadma daaer kiya aur badqismati yeh ke adalat ne us ke haq mein degree de di hai. Yeh surat e haal ne meri zindagi jahannam ban.A di hai. Na raat ko neend aati hai, na din ko qarar milta hai. Har waqt shash aur paanj mein pada rehta hoon. Samajh mein nahi aata, kya karoon? Maine poocha: Aap ne kabhi jaiza liya hai ke yeh surat-e-haal kyun paida hui hai? Ji haan, maine apne aamal ka jaiza liya hai. Badqismati se shadi se pehle main takreeban teen saal ke liye Europe chala gaya tha. Wahan mukhtalif mulkon mein mulazmat karta raha aur sach hai ke main apne aap ko wahan ke mahol se bacha nahi saka aur main samajhta hoon ke wahi nahust meri zindagi ka hissa ban gayi hai aur Khuda janata hai ke kab tak us ke wahan main pada rahoon ga.