Khuda kare ke meri arz-e-pak par utre Wo fasl gul, jise andesha zawaal na ho Yahan jo phool khile, wo khila rahe sadiyon Yahan khizaan ko guzrne ki bhi majaal na ho Yahan jo sabza ugaye, wo hamesha sabz rahe Aur aisa sabz, ke jiski koi misaal na ho Ghani ghattaien yahan aisi barishen barsaien Ke patthron se bhi, rooidgi mahal na ho Khuda kare... ke na kham ho sar-e-watan Aur us ke husn ko tashweesh mah o saal na ho Har ek fard ho tehzeeb o fun ka ooj-e-kamaal Koi malool na ho, koi khasta haal na ho Khuda kare... ke mere ek bhi hum watan ke liye Hayat jurm na ho, zindagi wabal na ho Khuda kare... ke meri arz-e-pak par utre Wo fasl-e-gul jise andesha zawaal na ho Ameen, sum ameen