Whatsapp ke mojood ''Jean Coum'' ko khud apne walid se doori aur phone par bhi baat na kar paane ka jo dukh tha, is ke ehsaas ki wajah se usne dosron ko qareeb lanay wali yeh ijaad ki. Jean Coum Ukraine ke ek ghareeb Yahoodi khandan mein paida hua. Ghar mein bijli thi nah gas. Ye log sardiyon mein bheron ke saath sone par majboor hotay thay. 1992 mein Ukraine mein Yahoodion par hamlay bhi shuru ho gaye to walidah ne naql makaani ka faisla kiya lekin walid ne watan chhorne se inkaar kar diya. Maan ne betay ka haath thaama aur ye dono America aa gaye. California mein un ke paas makaan tha nah hi kuch khane ko. America mein hukumat intehai ghareeb logon ko khane peenay ki ashya khareedne ke liye food stamps deti hai. Ye stamps haqiqatan khairaat hoti hain. Ye log itne ghareeb thay ke zindagi bachane ke liye khairaat lene par majboor thay. Jean Coum parhnay laga. Waqt guzarnay ke saath saath parhai bhi mehngi honay lagi. Food stamps se guzara mushkil ho gaya to Jean Coum ne part time naukri talash ki, usay ek grocery store mein khakroob ki mulazmat mili. Woh barson ye kaam karta raha. Itni ghurbat mein walid se phone par baat bhi bohat mushkil se hoti thi. Woh 18 saal ki umr mein computer programming ke khayal mein mubtala ho gaya. Ye shauq usay seen joz estate university le gaya. 1997 mein woh Yahoo mein bharti hua. 2004 mein Facebook aayi aur 2007 mein duniya ki badi company ban gayi. Jean Coum ne Facebook mein apply kiya lekin Facebook ko us mein koi potential nazar nah aya aur usay naukri nah di. Woh mazeed do saal Yahoo mein raha. Is doran usne thore thore paisay jama kar ke iPhone khareed liya. Is iPhone ne uske mustaqbil ki tashkeel ki. Jean Coum ne phone istemal karte karte ek din socha ke mein koi aisi application kyun nah banau jo phone ka mutabaadil bhi ho. SMS bhi kiya ja sake. Tasweerain aur dokoo minutes bhi bheji ja sakti hain aur jise hack bhi nah kiya ja sake. Ye idea apne ek dost ''Brian Acton'' ke saath share kiya. Ye dono usi idea par kaam mein jut gaye. Yahan tak ke do saal mein ek talismatic application banane mein kamiyab ho gaye. Ye application February 2009 mein launch hui aur us ne poori duniya ko jor diya. Ye application 'Whatsapp' kehlata hai. Duniya ke ek arab log is waqt ye application istemal kar rahe hain. Aap Whatsapp download karein aur duniya ke kisi bhi kone mein chale jayen. Aap ko naya phone aur naya number khareedne ki zaroorat nahin padegi aur aap poori duniya ke saath rabte mein rahenge. Jean Coum ko Whatsapp ne chand mah mein arab pati bana diya. Ye application itni kamiyab hui ke duniya bhar ki companies ne us ki khareedari ke liye boli dena shuru kar di lekin ye inkaar karta raha. February 2014 mein Facebook bhi Whatsapp ki khareedari ki daud mein shamil ho gayi. Facebook ki intizamiya ne jab us se rabta kiya to us ki hansi nikal gayi. Us ne khuda ka shukr ada kiya aur qahqaha laga kar kaha_ ''Ye woh idara tha jis ne mujhe 2007 mein naukri dene se inkaar kar diya tha'', hantay hantay us ne Facebook ko 'haan' kar di. 19 arab dollar mein sauda ho gaya. Ye kitni badi raqam hai aap is ka andaza Pakistan ke kul maaliyatii zakhair se laga lejiye. Pakistan ka foreign exchange is waqt 22 arab dollar hai aur Pakistan 70 barson mein in zakhair tak pohancha hai. Jab ke Jean Coum ne ek application 19 arab dollar mein farokht ki. Jean Coum ne Facebook ke saath saude mein sirf ek shart rakhi ke mein food stamps dene wale idaray ke waiting room mein beth kar muahida par dastakhat karunga. Facebook ke liye ye shart ajeeb thi, ye log muahida apne daftar ya us ke offices mein karna chahte thay lekin Facebook ko is ki zad manna pari, tareekh tay hui, Facebook walay falaahi center pohanchay. Woh waiting room ke aakhri kone ki aakhri kursi par betha hua ro raha tha. Woh kyun nah rota. Ye woh center tha jis ke us kone ki us aakhri kursi par beth kar woh aur us kaYe maan ghanton food stamps ka intezar karte thay. Ye dono kayi baar bhooke pet yahan aaye aur shaam tak bhooke pyasay yahan baithay rahe. Waiting room mein baithna azeeat naak tha lekin is se badi azeeat khirki mein baithi khatoon thi. Woh khatoon har baar nafrat se unki taraf dekhti thi. Tanzia muskurati aur poochti thi "tum log kab tak khairat lete raho ge tum kaam kyun nahi karte"? Ye baat seedhi unke dil mein tarazu ho jati thi lekin ye log khamosh khade rahte thay. Khatoon unhein silp deti thi. Maan kaghaz par dastakhat karti thi aur ye log aankhein ponchte hue wapas chale jate thay woh barson is amal se guzarta raha. Chanancha jab kamiyabi mili to usne apni zindagi ki sab se badi kamiyabi isi waiting room mein manane ka faisla kiya. Usne 19 arba dollar ki deal par food stamps ke intezar mein baithay logon ke darmiyan baith kar dastakhat kiye. Cheque liya aur seedha counter par chala gaya, food stamps dene wali khatoon aaj bhi wahan mojood thi. Jane ne 19 arba dollar ka cheque uske samne lehraya aur hans kar kaha "I got a job" aur center se bahar nikal gaya. Ye ek muflis ghareeb alwatan ke azm o himmat ki anokhi dastan hai, jo sabit karti hai ke aap date rahein, mehnat karte rahein to balaakhir kamiyabi aapke qadam chumti hai.