*Self Made Logon ka Almiya* Roshni mizajon ka kya ajab muqaddar hai Zindagi ke raste mein, bichhne wale kanton ko Rah se hatane mein Ek ek tanke se, aashiyana banane mein Khushbuain pakarne mein, gulistan sajane mein Umra kaat dete hain Umra kaat dete hain Aur apne husse ke phool bant dete hain Kaisi kaisi khwahish ko qatal karte jaate hain Darguzar ke gulshan mein abr ban ke rehte hain Sabr ke samandar mein kashtiyon chalate hain Yeh nahi ke in ka is shab o roz ki kahish ka Kuch sila nahi milta! Marne wali asoon ka khoon baha nahi milta Zindagi ke daaman mein jis qadar bhi khushiyan hain Sabhi hi haath aati hain Sabhi hi mil bhi jaati hain Waqt par nahi milti-85 waqt par nahi aati! Yani unko mehnat ka ajr mil to jaata hai Lekin is tarah jaise Qarz ki raqam koi, qist qist ho jaaye Asal jo ibarat ho, 'pas nush' ho jaaye Fasle gul ke aakhir mein, phool unke khilte hain Unke sahn mein sooraj der se nikalte hain Amjad Islam Amjad *** Qisse ajdad ke duniya ko sunane ke liye Humne tareekh parhi bhi to zamane ke liye Sari barish to mere kache makaan par barsi Chand qatre the meri pyaas bujhane ke liye So gaye aaj bhi chup chaap, na roye na hanse Mere bachay mera ehsaas jagane ke liye Khusk paton ki tarah hum ko urane wale Le chale log humein aag lagane ke liye Tere haathon ke likhe khat the mere haathon mein Yeh mera kal assesta tha ganaane ke liye *Ahmad Bashir Taahir*