Ek dost ka sawal aaj kal deliveries normal kyun nahi hoti. Halankay aaj kal jadeed tareen hospitals, tibbi saholiyat mojood hain. Jab kisi khatoon ko umeed hoti hai to woh foran lady doctor ke paas jaati hai. No mah is ke zair nigrani baqaidgi se check up karwati hain aur us ki tajwez kardi gai dawaiyat bhi khati hain aur un ki mehngi fees bhi ada karti hain magar jab delivery ka waqt ata hai to phir case normal kyun nahi hota? Yeh ek ahem sawal hai. No mah musalsal folic acid aur calcium ki goliyan khane aur venofer ki drops lagwane ke bawajood delivery ke waqt khoon ki kami kyun ho jati hai? Mere aziz-o-aqar! Is sawal ka jawab kuch iss tarah hai ke delivery normal nahi hone ki sab se badi wajah muscular tissues ka sakht hona hai aur rutubat taleya (lymphatic liquids) ka kam hona hai. Yaad rakhein aurat ke jism mein jitni lachak aur flexibility hogi bachay ki normal paidaish ke itne hi chances zyada honge aur jism aur muscles mein lachak jitni kam hogi utna hi operation ka imkan zyada hoga. Mandarja zail aamal aurat ke jism ke muscular tissues ko sakht aur raaston ko tang kar dete hain aur in ke andar ki rutubat (lymphatic liquids) bhi kam ho jati hain. Jo lubrication ka kaam karti hain fitrat aur nature ke khilaf jab hum chalein ge to fitrat humein saza zaroor de gi. Yani fitrat se rogardani ki saza ki wajah se humein operation se guzarna parta hai. Qata nazar is ke ke bahut badi bleeding hain, hospitals hain, mehngay doctors hain, mehngi dawaiyat aur mehngay injections aur air conditioned kamray hain lekin yaad rakhein yeh sab kuch fitrat ka mutabadil nahi ho sakte. Paise ka lalach, hawas aur insaniyat se doori. Mariz ki zindagi aur sehat se zyada mariz ki jeb par nazar ka hona dosri badi wajah hai. Aurton ka sahel pasand hona aur yeh tasawwur ke hamal ho jane ke baad kaam nahi karna sara din farigh beithe rehna. Muscular tissues aur khasoosan ovary ke muscles ko narm aur flexible banane ke bajaye stiff aur sakht bana deta hai. Sara din late rehne ki bajaye agar makhsoos warzish khasosan aakhri mahinon mein ki jaye ya ghar ke kaam kaaj kiye jaye jaise jharoo dena, dusting waghera, is se ovary ke muscles ko harkat milegi jis se hararat paida hogi jo muscles ko narm karegi. Khurak mein jab hum folic acid ya venofer ke injections lagayen ge to yeh loha hone ki wajah se jism ke muscles ko intehai sakht karega kyunke yeh muscles ki khurak hai jis se raasta khulne ke bajaye aur zyada tang ho ga. Is ki jagah agar kale chane, murabba harad, murabba aamla, bhindi, saib, palak, saag, kaleji, doodh, anda, shehad, ghee, manqay, aaroo, long, dar cheeni, badam aur zafran ka istemal kiya jaye to is se jism ko qudrati folic acid aur khoon bhi wafir miqdar mein mile ga aur jism ke muscular tissues sakht hone ke bajaye taqatwar aur narm honge. Khoobsurat bachay paida honge aur guarantee se kehta hoon ke bacha bhi khoobsurat paida hoga. Dosri taraf calcium ki goliyan yaad rakhein haddiyon ko sakht kar deti hain. No mah be-drigh calcium ki goliyan khane se maa aur bachay dono ki haddiyan sakht hongi to aap andaaza kar lein muscular tissues bhi sakht, haddiyan bhi sakht isi liye baaz oqat keh diya jata hai ke bachay ka sir bara hua hai ya maa ki haddi bari hui hai operation hi hoga. Bhai no mah andha dhund goliyan khila khila kar aap ne normal delivery ka chance chhoda hi kab hai. Kyunke is se kamai zyada hai operation se to paisay banne hain normal se kya milna hai. Agar qudrati calcium doodh, dahi, anday, ghee khilaya jata to guarantee se kehta hoon ke kabhi calcium ki kami nahi ati aur haddiyan mazboot hoti magar barhti nahi sakht nahi hoti. Haan! Dukaan ki sale kam zaroori hoti Commission zaroor kam hota. Store ki sale kam hoti aapas mein larai par jati bank balance kam hota. Amadni kam hone ki wajah se kyunke amli tor par hamara yaqeen Allah taala aur insaniyat par zero hai jab ke taqriron aur guftagu mein 100 percent hai. Delivery normal nahi hone ki ek badi wajah jaisa ke maine bataya hai haddiyon ka sakhtHona, muscular shoes ka sakht ho kar in mein lachak ka kam hona aur is mein ratobat saalih ki kami ka hona hai jo lubrication ka kaam karti hain. In sab ke liye aakhri mah sadiyon se azmuda formula jo hamari maaen istemal karti aa rahi thi woh tha jismani mushqat aur warzish. Dusri ahem cheez desi ghee, chhawaron aur zafran ka istemal tha. Doodh mein daal kar, jis mein folad, calcium, gandhak yani hararat wafir miqdaar mein mojood hoti hain. Is ka chhod dena, aur sara din aurton ka bistar par lete rehna aur calcium, folic acid ki goliyan khana aur venifer ke injections lagwana hai. Phir delivery ke roz aur doraan jo zulm o sitam hota hai. Allah ki panah. Ek to sharam o haya ki dhajian ura di jati hain. Jism dikhaya jata hai. Chorde chimaar tak jumlay kaste hain. Selfie banai ja rahi hoti hain. Astaghfirullah. Phir paise ke lalach aur hirs mein hum is had tak gir chuke hain ke normal cases ko khawah makhawah kat lagwa kar jebon par dakka dala jata hai. Ek aur zulm jis ki taraf bator khaas tawajjuh dilana chahta hoon ke bacha jab maan ke peet mein hota hai to uska darja hararat aam tor par aam insani darja hararat ke mutabiq hota hai jabke labour room mein air condition hone ki wajah se ek to maan ke azlaat sardi se sikudte hain. Yeh science ka asool hai ke sardi se cheezein sikudti aur hararat se phailti hain. Kamre mein kam darja ka temperature hone se raham sikraye ga ya phelaye ga? Yaqeena sikraye ga to yeh cheez normal delivery mein maawan hogi ya rukawat?? Yaqeeni jawab hai rukawat magar nazeek mizaj doctor sahiban ko garmi lagay gi lehaza mareez jaaye bhaad mein ya maut ke munh aan janab ki tabiyat nazeek yeh bardasht nahi kar sakti. Doctor ho kar is ki naak par paseena aajaye. Itna bada zulm. Had to yeh hai ke doctor to doctor hain labour room ka safai wala amliha is ka nakhra aur is ka raab Allah ki panah. Woh aasmaan pe hota hai. Magar salaam hai hamari un maon aur behnon ko jo labour room mein angithiyan jalakar paseena paseena ho kar fitri amal ko paiyah takmeel tak pohanchati thi. Ghar mein. Issi silsile mein ek aur masla bachay ka saans ukharna aur incubator mein daalna hai pyare bhai! Jab bacha yek dam takreeban pachis tees ke temperature se yek dam solah ke temperature pe aaye ga to uska saans nahi ukhrega to aur kya hoga? Phir dard ke injections lagwane ki saza balkay bheenso wale injections pabandi ke bawajood lagaye jate hain. Jo aurat ko saari zindagi kamar dard ki surat bhugtna parti hai woh ek alag kahani hai. Phir ek ek din ka ginna aur ek din bhi oopar na jaane dena ke gahak kisi aur dukaan ka rukh na kar jaye. Zulm pe zulm. Dakay pe daka. Iss silsile mein sirf itna arz karoon ke phal jab pakta hai to khud ba khud neeche girta hai. Dardain qudrati aur fitri honi chahiye. Yaad rakhein fitrat insaan ki dost hai dushman nahi. Masnoi dardain ke gahak doosri dukaan par na chala jaye ke khauf se bheenso wale tike lagaye jayen ge to fitrat ke sath bhiyank mazaq hai phir nataij to bhugtna parein ge. Saza to zaroor mile gi. Fitrat kisi ko maaf nahi karti. Phir yaad rakhein bachon ke andar jitne cases khoon ki kami ke arhe hain woh sab ke sab masnoi folic acid aur masnoi calcium ki wajah se hain kyun ke is se tili spleen ka fal mutasir hota hai jis se woh anemia ka shikar ho jate hain. Almukhtasar fitrat se jitna door hatenge utni humein saza zyada mile gi. Iss mawad par bohot kuch hai kehne ko shayad itna bhi hazam na ho dukaandaron ko. Lekin mere pyare bhaiyo! Yeh hamari maaon, behnon betiyon ki zindagi ka masla hai is ko serious lein. Aur hukmaranon ko sakht qawaneen banane par majboor karein. Maghribi mumalik mein khawand labour room mein mojood hota hai. Hamare haan to is ki zyada zaroorat hai. Wahan hatti almoqarrar normal case ki koshish ki jati hai aakhri had tak. Hamare haan aisa kyun nahi ho sakta. Masnoi dardoun ke injections nahi lagwae jate. Balkay qudrati dardoun ko bardasht karne ka kaha jata hai. Hamare haan aisa kyun nahi ho sakta.