گھر نوں چھیتی آ وے بیبیا
اینج تے نہ تڑپا وے بیبا
سانوں چوٹھے لارے لا کے
یاراں دے نال شام منا کے
باہروں پی کے باہروں کھا کے
آ جاناں ایں رات لنگا کے
کج تے شرماں کھا وے بیبا
گھر نوں چھیتی آ وے بیبا
تانے مینے سن کہ جگ دے
شام سویرے ہنجو وگدے
پلے پہ گئی میں کس ٹھگ دے
راتی کیڑے دفتر لگدے
تے عشق تیرے وچ بازی ہر کے
سس سورے دی خدمت کر کے
دیوراں ننداں کولوں ڈر کے
کی لبہ اے سب لئی مر کے
کسے نہ کیتے چاہ وے بیبا
گھر نوں چھیتی آ وے بیبا
دل وچ میرے آن سلاواں
اپنے ستوں ویر بلاواں
رو رو اپنا حال سناواں
تینوں پھینٹی رج لواواں
آوے فیر مزہ وے بیبا
گھر نوں چھیتی آ وے بیبا
تیرے دل وچ نار اے کیڑی
وڈی او فنکار اے کیڑی
ساڈے ہن وچکار اے کیڑی
دس ہاں او مٹیار اے کیڑی
کھچ لاں اودے ساہ وے بیبا
گھر نوں چھیتی آ وے بیبا
