Musannif ka tareef: Adab ka doosra inaam hasil karne wala musannif Norweigen tha. Woh 8 December 1832 ko Kyubkani (Norway) mein paida hua. Uska baap padri tha. Mazhabi aetabar se woh ek aisa azaad khayal tha jo Martin Luther se be had mutasir tha. Usne kisi college ya university se koi degree hasil nah ki 1857 mein uski shadi hui. Bajaur Nestreen theater ka naqad tha. Usne Norway ke kai ahem parchon ki idarat bhi ki. Ek editor ke hawale se usne Norway mein khas shohrat hasil ki. Bajaur Nestreen Bajournsen ko apne mulk ne bhi ek aizaz baksha aur us mein usay ultiyat hasil hai. Norway hukumat ki taraf se use 1863 mein 'Musannif ke aizaziye' ka haq daar qarar diya gaya tha. Yeh tanqaa Norway hukumat use deti thi aur woh Norway ka pehla musannif tha jise yeh 'aizaziye' jari kiya gaya. Jab Bajournsen ko Nobel inaam mila to uski umar 71 baras thi aur woh European dunya mein ek bade shair aur dramay nawis ki hesiyat se apna maqam bana chuka tha. Usne kai tareekhi khail bhi likhe the. Kahaniyan bhi likhin jo Norway ki dehi zindagi se taluq rakhti thi. Yeh Bajournsen hi tha jisne woh mashhoor nazm likhi jise Norway ke qoumi tarane ka darja diya gaya. Apne mulk ka tarana likhne ke hawale se woh Norway aur dunya ke unchand shairo mein shamil ho chuka hai jinhon ne apne mulk ke tarane likhe the. Woh zabardast shakhsiyat ka malik tha. Usne ek bharpoor aur inthai zindagi guzari. Woh samaji insaf ka qail tha aur is hawale se usne zabardast jad-o-jehad ki. Samaji aur mulki umoor mein barh charh kar hissa leta tha. Woh bohat be bak aur nidar insaan tha. Ek maqarar ki hesiyat se bhi usne khas shohrat hasil ki. Istehsal karne walon ke khilaf uski awaz bohat moassar aur buland thi. Aaj uska kaam bhi zinda hai aur naam bhi. Use Norway ki ek ahem qoumi shakhsiyat tasleem kiya jata hai. Is aetabar se woh apne zamane mein ek mtnazirah shakhsiyat bhi raha. Bajaur Nestreen Bajournsen ka intiqal 26 April 1910 ko hua. Jis shakhs ki yeh sar guzasht hai woh apne qasbe ka ameer tareen aur barsokh dehqaan tha. Uska naam Thord aur uss tha. Ek din apne qasbe ke waheed padri ke darulmatalea mein gaya. "Father! Khuda ne mujhe ek bete se nawaza hai." Khushi aur josh uske sare badan se ho raha tha. "Mein chahta hoon ke aap usko Aisayat mein dakhil karne ki rasam ada karein." Padri muskuraya. "Acha mubarak ho. Uska naam kya socha hai?" "Uska naam hoga Finn. Mere walid ke naam par." "Tumhari nagahani maut ki surat mein us bachay ki kafalat ke zamin kaun honge?" Padri ne poocha. Thord ne issi qasbe mein rehne wale apne qareebi rishta daaroon mein se chand moatabar naam bata diye. Padri ne Thord ke chehre ki taraf dekha aur poocha: "Aur kuch?" Zameendar thora sa hichkichaaya aur bola: "Father, mein aap ko tehtil wale din takleef dena chahta hoon." "Iska matlab hai uss weekend par?" "Haan! Hafta wale din. Dopehar ke barah bajay." "Is ke ilawa koi aur baat?""Naheen shukriya Fadar! Ab ijaazat chahoon ga." Thord ne angli par topi ghumaate hue kaha. "Naheen ek aakhri baat reh gayi hai." Paadri apni jagah se utha. Thord ke qareeb ho kar us ne apne haath mein us ka haath thaama aur us ki aankhon mein jhank kar bardbaari se bola: "Khuda ke fazl se tumhara bacha tumhare liye us ki rahmat o barkat sabit ho ga." Sola saal ke baad ek din phir Thord paadri ke daaralmutaalaa mein hazir hua. "Tumhari sehat aur jawani to herat angaiz tor par qaim hai!" Heran paadri ko Thord ke jism mein koi khaas tabdeeli dikhayi nah di. "Kyunke mujhe koi fikar o gham nahin hai aur mera beta bhi ab khubsurat nojawaan ban chuka hai." Thord hasta hue bola. Paadri muskuraya aur toqeer ke baad poocha. "Aaj tumhein kaun si khushi yahan le aayi hai?" "Kal gurja mein nojawaanon ki deeni talqeen o taweeq ki rasam ada hone wali hai. Is mein mera beta bhi shamil hoga." Thord chehka. "Fadar! Main is waqt tak aap ko nazarana pesh nahin karoon ga jab tak aap mujhe nahin batainge ke kal mere bete ki baari kaun se number par aaye gi?" "Yaqeenan kal pehli baari us ki ho gi!" Paadri ne haste hue kaha. "Shukriya Fadar! Yeh das dollar mein aap ki nazar karta hoon." Thord ne das dollar mez par rakh diye. Paadri us ke chehre ki khushi dekhte hue bola, "Mere liye aur koi khidmat?" "Naheen Fadar aur kuch nahin." Aur Thord paadri se ijaazat le kar chala gaya. Aath saal aur guzar gaye ke ek din achanak paadri ko apne kamre ke bahar shor sunaai diya. Kaafi saare log daaralmutaalaa ki taraf arahe the aur sab se pehle daakhil hone wala shakhs Thord tha. Paadri ne oopar dekha aur Thord ko foran pehchaan gaya. Thord bohot ghuse mein dikhayi deta tha. "Aaj bohot logon ko saath le aaye ho Thord kiya baat hai?" Paadri ne poocha. "Fadar main aap se darkhwast karne aaya hoon ke aap mere bete par pabandi lagaayein aur pabandi apne roznamaache mein darj kar lein." Thord tezi se bola. "Lekin kyun? Woh to bohot farmaanbardar ladka hai." Paadri heran hua. "Woh Keeran se shadi karna chahta hai." Thord phankara. "Lekin Keeran to qasbe ki nafees tareen ladki hai." "Woh bhi yehi kehta hai." Thord ne apne baalon ko ungliyon se sanwara. "Main is rishte ke liye raazi nahin hoon." Paadri kuch deer sochta raha. Phir us ne kuch kahe baghair apne roznamaache mein dono ke naam darj kar liye aur neeche Thord aur gawahon se dastakhat le liye. Thord ne teen dollar mez par rakh diye. "Fees to sirf ek dollar hai." Paadri ne kaha. "Main jaanta hoon lekin Fadar woh mera akele waris hai. Main chahta hoon yeh kaam nihayat khush asloobi se ho.""RTL" style="text-align: justify;">Padri ne teen dollar rakh liye aur bola: ‘‘Yeh teesri dafa hai ke tum mere paas apne betay ke silsile mein aaye ho.’’ ‘‘Bas fadar! Ek dafa aur aana pare ga aur woh aakhri dafa ho ga us ki shadi ke silsile mein.’’ Thord ne padri ko khuda hafiz kaha aur bahar nikal aya. Tamam log us ke peechay aa gaye. *** Koi do hafton ke baad dono baap beta hansi khushi apni kashti mein sawar keeren ke ghar ki simt rawan the. Woh keeren ke waled se mil kar shadi ki tareekh aur tafseelat tay karna chahte the. Khushgawar mosam aur haseen din tha. Jheel bhi bohat pur sukoon thi. Baap beta baatein karte hue dheere dheere chup ho rahe the. ‘‘Meri seat kuch dheeli lag rahi hai.’’ Beta ne kaha aur apni seat ko kisne ke liye kashti ke takhte par khara hua. Achanak usi lamhe takhte se us ka paon phisla. Woh tawazun barqarar na rakh saka. Us ne sanbhalne ke liye hath oopar uthaye. Cheekh mari aur pani mein gir gaya. Thord spring ki tarah apni jagah se uchhla. Apne chupoo kar aage karta ho chalaya. ‘‘Beta yeh chupo pakar lo!’’ Ladke ne chupo pakarne ki koshish ki lekin aankhon mein pani bhar jane ke baaes chupo nazar na aya. Chand ek dafa chupo pakarne ki koshish ke baad ladke ne himmat haar di. ‘‘Ek minute thehro.’’ Baap cheekha aur chupo ki madad se kashti ko betay ki taraf dhakela. ‘‘Kashti ka kinaara pakro. Hath aage karo mera hath pakro.’’ Lekin ladka kashti se kuch door aakhri dafa pani par ubhra, baap par aakhri nazar dali aur jheel ki teh mein baithta chala gaya. Thord ko yaqeen nahi aya. Woh sakhtay mein aa gaya. Woh musalsal usi jagah ko ghurta raha jahan us ka laqat jigar duba tha. Us umeed par ke shayad woh ek dafa phir satah ab par aa jaye. Wahan kuch bulbulay peda hue aur phir kuch aur bulbulay nikle aur aakhir kar ek aakhir bara bulbula. Jheel phir pursukoon aur aainay ki tarah shafaaf ho gayi. Teen din aur teen raatein musalsal baghair kuch khaye peeye aur soye baap beta ke doobne ki jagah ke gird kashti ghoomata raha. Woh jheel se apne betay ki laash mang rahe tha. Chothay din subah ke waqt woh apne betay ki laash dhoondne mein kamiyab ho gaya. Us ne betay ki laash apne baazon mein utha li aur paharon mein apni jagir ki taraf chala gaya. *** Is waqia ke taqreeban ek saal baad ka zikr hai. Ek khiza ki shaam thi. Padri ne apne daral mutala ki rahdari mein kisi ki aahat suni. Padri ne uth kar darwaza khola. Ek lamba dubla patla shakhs andar dakhil hua. Us ki kamar jhuki hui thi aur tamam baal safed the. Padri ne us ko khasi der ghor se dekha to pehchan paya. Woh Thord tha. ‘‘Kheriyat to hai. Itni der gaye. Bohat kamzor ho gaye ho?’’ ‘‘Haan fadar! Kuch ziada hi der ho gayi hai.’’ Thord bola aur ek kursi par baith gaya. Padri ne dosri kursi sambhal li. Khasi der dono khamosh baithay rahe. Ek taweel khamoshi. Aakhir kar Thord bola: ‘‘Mere paas kuch raqam hai jo main apne betay ke naam par ghareebo ke liye waqf karna chahta hoon.’’ Woh utha aur us ne mez par noton ki gudiyon ka anbaa laga diya aur phir baith gaya. ‘‘Yeh to bohat ziada raqam hai.’’ Padri herat zadha raha. ‘‘Yeh meri jagir ki qeemat hai. Main ne aaj usay bech diya hai.’’&rs"Padri khasi deir hairat zada raha. Phir bola: ‘‘Ab tum kya karo ge?’’ ‘‘Koi behtar kaam!’’ Wo kuch der aur khamosh baithe rahe. Thord ki aankhein zameen mein giri hui thi aur Padri ki aankhein hairat se Thord ko dekhay ja rahe thi. Phir Padri ne aahistgi se Thord ko mukhatib kiya. ‘‘Aakhir kar tumhara beta tumhare liye Khuda ki sachi rehmat aur barkat sabit hua.’’ ‘‘Haan mera bhi yehi khayal hai.’’ Thord ne sar uthakar aasmaan ki taraf dekha. Do mote aansu dhalak kar uske galon par ruk gaye. ***