Yeh waqia jo main aap ko sunane laga hoon yeh bilkul sucha hai. Aur main hi is waqia ka ahem kirdar hoon. Yeh waqia kuch youn hai. Yeh un dino ki baat hai jab main first air ka talib ilm tha. Hum taleem Saraye Alamgir ke ek qasbah Khambi mein rehte hain. June ka mahina aur sakht garmi thi. Sakht garmiyon mein aam tor par log dupehar ko so jatay hain aur bahar galiyon mein ho ka alam hota hai. Hum sab ghar walay bhi roz ke mamool ki tarah soye hue thay ke achanak phone ki ghanti bajne se hum sab hi uth gaye. Yeh dupehar ke ek baje ka waqt ho gaya. Mere wald sahib ne phone suna to dosri taraf London se meri khala thin. Yeh meri ami se badi hain. Aur kafi arse se London mein apne miyan ke sath rehaish pazir hain. Ab un ke miyan wafaat pa chuke hain lekin jab yeh waqia hua tha tab woh zinda thay. Phone par mere wald sahib ne baat mukammal kar li to meri ami se khala baat karne lagi aur kaha ke woh apne wald sahib yani mere nana se baat karne ki khwahish mand hain. Kyunkay nana ke ghar mein abhi phone nahi laga tha balkay poore gaon mein abhi phone naya aya tha aur yeh sirf kuch hi gharo mein phone lage hue thay. To mujhe abu ji ne kaha ke jab tak tumhari ami khala se phone par baat karti hai tab tak tum nana ji ko bula lao ta ke woh bhi khala se baat kar lein. Main ne haath munh dhoney ke baad kapray tabdeel kiye aur nana ji ko bulane ke liye nana ke ghar ki taraf chal pada. Nana ka ghar hamare isi gaon mein tha lekin zara fasle par tha. Taqreeban paidal das se pandrah minute ka fasla ho ga. Abhi main ghar se thodi door hi pohancha to kya dekhta hoon ke ek chh saath saal ka bacha bijli ke khambay se chipta hua hai aur zor zor se ro raha hai aur chal raha hai. Mujhe aise laga jaise kanp raha hoon. Main samjha ke bacha bijli ke khambay mein current anay ki wajah se bijli ke khambay ke sath chumta hua hai. Main use haath ke sath nahi hata sakta tha. Iss liye ek lakdi ke danday ki talash mein main ek ghar mein baghair ijazat ke dakhil hogaya. Woh log bhi soye hue thay shayad un ghar walon mein se koi ek jag raha tha. Usne mujhe pareshan dekh kar bahar sehan mein aagaya aur mujh se pareshani ki wajah poochi to main ne kaha ke jaldi se mujhe ek adad lakdi ka danda de dein. To woh log ghabraye ke shayad mera kissi se jhagra ho gaya hai aur main marne ke liye danda dhoond raha hoon. Lekin main ne chala kar kaha ke bahar ek bacha bijli ke khambay ke sath chipta hua hai. Main zyada intezar nahi kar sakta tha kyunkay mere der se pohanchne ki wajah se bacha jaan se ja sakta tha aur yeh main har gaz nahi chahta tha. Itne mein meri nazar kisi par pari. Main ne use hi ghaayab jaana halankeh ke yeh mere liye bhi intehai khatarnak hosakti thi. Kyunkay is ke ek taraf lohe ka phaala sa bana hua tha lekin mujhe ab badi ehtiyaat ke sath isse istemal karna tha. Main lohe ke phaale se zara hat kar lakdi ke daste se pakra aur bachay ke ek haath ko apne poore zor se hataane ki koshish ki aakhirkaar ek haath ko main khambay se alag karne mein kaamyab hogaya. Isi tarah phir main ne bachay ke doosre haath ko bhi bijli ke khambay se alag kar diya. Mere paas khade ek aadmi ne bachay ko uthaya aur uske ghar ki taraf chal pada. Aur kafi log jama ho chuke thay. Lekin kyunkay mujhe jaldi hi nana ji ko bulana tha isliye main nana ke ghar ki taraf doura kyunkay pehle hi kafi der ho chuki thi aur mujhe dar tha ke kahin wald sahib der hone par mujh se naraz na ho jayein. Nana ka ghar ab thodi hi door tha. Khair main nana ke ghar pohancha to unhone apni pagri sir par rakhi aur mere sath chal pare. Raste mein abhi woh tamam log khade thay aur sab mera naam lekar ek doosre ko bata rahe thay to mujhe is waqt behad khushi hui. Khuda ka shukr hai ke usne mujh nazuk se yeh kaam liya. Nana ji bhi itne zyada inte.Adha log dekh kar hairan hue to maine un ko saari baat batayi. Waqea sach kehte hain ke doosron ki madad kar ke jo khushi haasil ho asal mein wahi khushi hai. Aur yeh bhi haqeeqat hai ke jise Allah rakhe usse kaun chuke. Iss waqea ko taqreeban pachees saal hone ko hain, ek roz mein Lahore railway station par khara tha kyunke mein ab Lahore mein hi rehta hoon aur yahan mujhe pachees saal ho chuke hain ke achanak ek nojawan mere samne aya. Pehle salaam kiya aur phir poocha ke kya aap ne mujhe pehchana hai. To mera jawab tha ke nahi. Woh bola mein wahi hoon jis ko aap ne bachpan mein bijli ke khambe se bachaya tha. Mein aap ko kabhi bhi nahi bhool sakta. Kyunke aap ne mujhe apni jaan par khel kar bachaya tha. Mein iss jawan ko dekh kar bohot khush hua aur mein ne usse kaha ke iss mein mera koi kamaal nahi hai. Yeh sab mere rab ki taraf se tha aur tumhari zindagi bhi likhi hui thi aur iss rab ne mujhe tumhein bachane ke liye ek bahaana banaya aur mera guzar wahan se hua aur mujhe Allah ne himmat di aur tum bach gaye. Yaqeen janiye usse dekh kar mujhe be had khushi hui. Mein yeh baat bhool chuka tha magar iss nojawan ko apne samne dekh kar woh tamam waqea meri nazron ke samne aa gaya. Meri dua hai ke Allah Ta'ala sab ko apni hifazat o aman mein rakhe. Ameen.