22 saal qabal filpaine chhorne ke baad ek baar phir amriki fauj wahan lotne ki tayyariyon mein hai. Amrikion ki aamad ke is ilan ke sath hi tawajjo ek baar phir un bachon ki taraf lot rahi hai jin ke baap aise amriki fauji the jo unhein aur un ki maon ko 22 saal pehle chhod kar chale gaye aur phir kabhi un ki khabar bhi nahin li. Aise hi logon mein ek meri Jean Stephens hain jo ab ek khasta hal kamray mein apne teen bachon ke sath rehti hain. Is kamray mein do dariyan hain jin par woh sotay hain. Un ki baqi gharasti ek chulhe, ek sofa aur ek TV par mushtamil hai. Woh Manila ke is ilaqe mein rehti hain jahan doosri jang-e-azim ke doran amriki fauji adda tha aur is ke gird jism faroshi ka ilaqa. Amriki fauji adda to khatam ho gaya lekin jism faroshi ka ilaqa mojood hai aur meri Jean ab is ilaqe ke sharaab khanon mein kaam karti hai. Woh apni sari tawanaiyan apne bachon ki parwarish par sirf kar rahi hai. Bachay koi kaam nahin karte aur meri Jean ki aamdani bhi unhein sirf roti pani hi de pati hai. Filpaine mein yeh fauji aday do dehai se zyada arse tak mojood rahe. Un par America ke hazaron bari bahri aur fazai fauji mutayyin hote rahe aur un ki Vietnam aur Korea ki jungon ke silsile mein aamad o raft bhi rahi. Isi doran unho ne yahan ki maqami larkiyon se talluqat bhi qaim kiye. Unhi mein se ek meri Jean bhi hain jin ke amriki faujion se talluqat rahe. Meri kehti hain 'jab woh pehli baar milte hain to mohabbat jatate hain, mehsoos karte hain ke un ka talluq waqti nahin hai lekin phir woh jaate hain to un ki koi khabar hi nahin milti.' Woh batati hai ke is ka har bacha ek alag baap se hai aur woh sab amriki fauji the. Ek andazay ke baad amriki baapoon ke filpaine mein dhai lakh ke lag bhag bachay hain, jin mein se bohot se un ko zaroor apne baapoon ka khayal aata hoga. Yeh sab log dar-ul-hukoomat Manila ke shumali ilaqon mein un maqamat ke gird rehte hain jahan amriki fauji adday hua karte the. Meri Jean khud bhi ek amriki fauji baap aur filpini maan ki aulad hai aur apne bachon ki tarah apne baap ke bare mein kuch nahin janti. Woh batati hai 'mere baap siyah fam amrikan the. Meri maan ek bar ke counter par kaam karti thi jab us ki mulaqat mere baap se hui.' 'Woh khasay arse tak ikatthe rahe lekin un ki shadi nahin hui kyun ke meri nani is talluq ki mukhalif thi. Isi liye woh meri maan ko chhod kar chale gaye.' Filpaine ka muashra rawaiti kitholik hai aur amriki faujion ke in bachon ke sath ba-al-umoom imtiazi sulook rawa rakha jata hai. Un ke liye 'amreshin' (amriki ashiyai) ki istilah istemal ki jati hai aur unhein 'tawaifon ke najayaz makhloot bachay' bhi kaha jata hai. Un mein se bohot se aise bhi hain jinhein un ki maaein bhi is liye chhod kar chali gayi thi ke woh un ki parwarish nahin kar sakti thi ya unhein muashray ka samna karte hue sharam aati thi. Is ka natija yeh hua ke un mein se aksar intehai ghurbat aur aflas mein pale kuch aise bhi the jinhein kuch walidain ne god le liya. "Dusra bara masla yeh hai ke agar waled apne bichhre hue bachay ko qabool bhi kar le to amriki qawaneen ke teh... (text cut off here)uot; Is silsile mein American Research Institute ki aik tehqiq se intehai wehshat naak tasveer samne aati hai. American Research Institute ki yeh report 2010 mein jari ki gayi. Report ke mutabiq woh bachay jinhen un ki maaein bhi chhod gayi hain. Zillat aamez ghurbat mein rehte hain. Nah to un ke paas rehne ko ghar hota hai aur nah hi khanay ko kuch, kyun ke unhein kaam bhi nahi milta. Unhein sharab aur manshiyat ki lat lag jati hai, bohot se dast daraziyon ka nishana bhi bante hain. Sab se badi baat yeh hoti hai ke un ki koi shanakht nahi hoti. Walid ya waliden na hone ki wajah se woh khud bhi samaji tanhai aur paspai ka shikar rehte hain. Un mein se bohot se sun ko yeh shikayat bhi hai ke unhein sirf rang ki wajah se kaam nahi diya jata. African American nasal ke baap ki 23 saalih aulad Ashley Discalier ka kehna hai 'Aksar dosron se mukhtalif rang ka hokar bara hona bohot mushkil hota hai. Log sirf is liye aap ko kaam par nahi rakhte ke aap ka rang kuch aur hai.' Is ki tasdeeq meri Jean bhi karti hain woh kehti hain 'Jab rang kala hota hai to log aap ke tarah tarah ke naam rakhte hain, koi aap ko Negro kehta hai aur koi 'Baluta' (Philippine word), shuru mein yeh baatein aap ko bohot buri lagti hain lekin jo un ko bade hote hain, aadi hote jaate hain.' Lekin American mein se aksar ab tak yeh umeed rakhte hain ke unhein un ke walid mil jayenge. Agarche bohot se mamaloon mein talash be nateeja hi rahi hai. Agar suragh mil bhi jaye to baap ko is baat par amadah karna ke woh apne bachay ko qabool kar le asaan nahi hota. 20 saalih Christian Jackson un khush nasibon mein se hain jinhen un ke walid mil gaye. Un ki walida 20 saal ki thin jab un ki mishi gon ke fauji se mulaqat hui. Jab un ke walid wapas America ja rahe the to un ki walida maan banne wali thin. Christian 17 ki hui thein to unhone apne walid ko talash karna shuru kiya. Aakhir woh apne walid ka Facebook profile talash karne mein kamiyab ho gayein aur unhein paigham bhej diya. Woh kehti hain ke is ke baad mein woh bohot dino tak sirf is dar se Facebook par nahi jati thin ke un ke walid ne un ke paigham ka jawab nahi diya hoga. Lekin jab unhone apni ek dost kehne par apne naam ane wale paigham dekhe to un mein apne walid ka paigham bhi paya aur woh us se baat karna chahte the. Woh batati hain 'Tab se ab tak hum rabte mein hain'. Phir American fauji adday "Ek bar phir aisi sorat hal paida ho gayi hai ke Philippines China ke khilaf American tahaffuz chahta hai aur America bhi is ilaqe mein fauji mojoodgi chahta hai. Is liye naye fauji adday ban rahe hain." Nah to yeh fauji adday mustaqil honge aur nah hi yahan faujiyon ki badi tadad muqarrar ki jayegi lekin American ke hawale se in addo ke khilaf mehme chalane walon ka kehna hai '22 saal pehle American fauji adday yahan se khatam hue the, is ke baad se tamam arsay mein American faujiyon ke bachon ne apne bapoon se milne ka intezar kiya, bohot sun ko bapMilay bohot soon ko nahi milay, ab ek baar phir aaday qaim kiye ja rahe hain to is ka nateeja is ke siwa kya hoga ke mazeed hazaaroon Filipino immigrants bachay paida honge. (Bahawala BBC 21 May 2104)