Puri wadi mein ek chhoti si pahari ki choti par ek akela ghar bana hua tha. Iss unchai se darya dikhayi deta tha. Maweshiyon ke baraay se aage makkai ke kheet thay. Makkai paki hui thi. Iss ke saath lobiye ke poday thay. Jin par phool lage hue thay, jo hamesha achhi fasal dete thay. Sirf ek achhi baarish ki zarurat thi ya phir halki phulki phowaar hi kaafi hoti. Lincho ne jo apne kheeton se bakhubi waqif tha, subah se shamal mashriq mein aasman ka jaiza lete rehne ke siwa kuch nahi kiya. "Ab kuch paani milne ki umeed bandhi hai, khatoon." Khatoon jo shaam ka khana bana rahi thi, ne jawab diya. "Haan! InshaAllah." Baray larkay kheeton mein kaam kar rahe thay. Jab ke chhote larkay ghar ke qareeb khel rahe thay. Khatoon ne sab ko awaaz de kar bulaya. "Khane ke liye aa jao." Khane ke doran jaisa ke Lincho ne peish goei ki thi, baarish ke mote mote qatray girne lage. Shamal mashriq mein badlon ke bade bade pahad aage badhte nazar aa rahe thay. Hawa taza aur maze daar thi. Mard bahar baraay mein kuch talash karne nikla. Lekin darasal woh baarish ko apne jism par mehsoos karne ki khushi se hamaqarar hona chahta tha. Wapas aakar kehne laga. "Aasman se baarish ke qatray nahi gir rahe, balkay woh naye sikkay hain. Bade qatray das sentaavo aur chhote qatray paanch ke -97 bohot pursukoon aur mutmaeen andaz mein usne kheeton mein paki makkai aur lobiye ke phoolon ko baarish ke parde mein lapetay qarar diya. Lekin jald hi tez toofani hawa chalne lagi aur hawa ke sath hi bade bade aulay girne lage. Ye aulay sahi ma'non mein naye sikkay ke sukon jaise thay. Larkay jo bahar baarish se lutf andoz ho rahe thay. In barfani motiyon ko ikattha karne ke liye bhage. "Ab to sab kuch kharab hone laga hai," mard ne sharmindgi se wazahat ki. "Umeed hai yeh jald hi khatam ho jaye ga." Lekin yeh jald khatam nahi hua. Ek ghante tak aulay ghar, bagh, pahari, makkai ke kheeton aur puri wadi par baraste rahe. Kheet aise safaid ho raha tha jaise namak se dhakka hua. Darakhton par ek bhi patta baqi nahi raha tha. Makkai mukamal tor par tabah ho chuki thi lobiye ke phool gayab ho chuke thay. Lincho ki rooh ki gehrayion tak udasi bhar gayi. Jab toofan khatam hua to usne kheet ke darmiyan khare ho kar betay se kaha. "Thodi bahut bachat ho jati hai," mard ne sharm se wazahat ki. "Olon ne to kuch baqi nahi chhoda. Is saal hamare paas na makkai hai na lobia -97 Woh raat bohot udas raat thi. "Hamara sara kaam bekaar gaya." "Koi bhi to nahi jo hamari madad kare." "Is saal hum sab bhooke rahenge." Iss wadi mein waqe is akela ghar ke sare makaanon ke dilon mein ek hi umeed thi. Khuda ki madad. "Itne pareshan na ho. Agar bazaar nuksan bharpur hai lekin yaad rakh, kabhi koi bhook se nahi marta." "Yehi kahawat hai: koi bhook se nahi marta." Saari raat Lincho apni aakhri umeed ke bare mein sochta raha. "Khuda ki madad." "Uski aankhein sab kuch dekh leti hain. Woh bhi jo insaan ke batain mein door kahin poshida hota hai." "Yehi usay sikhaya gaya tha." Lincho bail ki tarah taqatwar tha. Woh apne kheeton mein janwaron ki tarah kaam karta tha. Taham usay likhna bhi aata tha. Aglay itwaar tuloo-e-fajr ke sath hi woh iss yaqeen par pohanch gaya tha ke koi "mehafiz" hai. Woh khat likhne beth gaya. Jise woh khud shehar ja kar daak ke hawale karega. Yeh khat Khuda ke naam tha. "Aye Khuda," usne likha. "Agar tum ne meri madad nahi ki, to main aur mera khandan is saal bhooke rahenge. Mujhe ek sau pesos ki zarurat hai. Ta ke main dobara fasal bo sakoon. Aur fasal ke tayyar hone tak guzar basar kar sakoon. Kyun ke olon ke toofan." Lafaafay ke oopar usne likha. "Khuda ke liye." Khat lafaafay ke andar rakha, aur shehar chal pada. Daak-khane pohanch karFafe par ticket lagaya aur use daak ke dabbe mein daal diya. Daak khane ka ek mulazim jo daakiya hone ke alawa daak khane ke aur chhote mote kaam bhi karta tha. Yeh khat le kar khushdil se qahqahe lagata post master ke paas pahuncha. Use Khuda ke naam ka khat dikhaya. Bator daakiya apne peshe ke doran woh is address se waqif nahi tha. Post master ek mota khush mizaj shakhs tha. Woh bhi khushdil se hansne laga. Lekin foran hi sanjeeda hote hue khat apne miz par phenka aur bola, "Kya aitqaad hai. Meri khwahish hai ke mera aitqaad bhi is khat likhne wale jaisa ho. Itna aitemad, itni ummeed ke Khuda ke sath khat o kitabat." Chanancha is ghair mamooli aitqaad ko, jo is khat se zahir ho raha tha, jo apni manzil par nahi pahunchaya ja sakta tha, mayoosi se bachane ke liye post master ko ek khayal sujha: khat ka jawab. Lekin jab usne khat khola, to us par wazeh hua ke uska jawab dene ke liye naik khwahishat, siyahi aur kaghaz se kuch zyada ki zaroorat hai. Lekin woh apne irade par dita raha. Usne mulazmeen se matloob raqam mein hissa dalne ka kaha. Usne apni tankhwa se raqam dali. Us ke bohot se doston ne bhi is khairati amal mein taawun kiya lekin phir bhi us ke liye lynchon ke talab kiya gaya ek sau paison ko jama karna mumkin nahi hua. Woh sirf aadhe se kuch upar raqam us kisan ko bhej saka. Usne raqam ke bilz lafz mein rakhay, lynchon ka address likha aur sirf ek lafz bator dastakht likha: "Khuda" Agley Itwar Lynchon mamool se qabal daak khane pahunch gaya. Us ke naam anay wale kisi bhi khat ka poocha. Daakiye ne use khat diya. Jab ke post master apne achay kaam se mutmain apne daftar ke darwaze se use dekhta raha. Lynchon ne raqam dekha kar zara bhi hairani ka izhar nahi kiya. Us ka aitemad itna qawi tha, lekin raqam ginne ke baad woh ghuse mein aaya. "Khuda ghalti nahi kar sakta. Na hi us ki darkhwast rad kar sakta tha." Foran hi Lynchon khidki par pahuncha, kaghaz aur siyahi mangi. Logon ke likhne ke liye rakhi meez par us ne likhna shuru kiya. Ma tha par teewari charhaye apna maafi alzameer byan karne mein woh mushkil se do char tha. Khidki se ticket liye. Unhein zaban se chaat kar lafz par chipkaya aur daak ke dabbay mein daal diya. Jaise hi lafz daak mein pahuncha post master use kholne ke liye bhaga. Us mein likha tha, "Aye Khuda jo raqam mein ne mangi thi, mujhe is mein se sattar paise mile hain, mujhe baqi raqam bhej dein kyun ke mujhe us ki ashad zaroorat hai. Lekin bazariya daak na bhejna, kyun ke daak khane ke mulazmein badmashon ka group hain." Lynchon Masnif ka mukhtasir taaruf Gregorio Lopez Vavuenzas Mexico ki ek munsipality zone Takomotla ke wasi medani ilaqe mein indian ke darmiyan paida hua aur parwaan chadha. Usne apne adbi career ka aghaz do shairi majmuon se kiya. Phir sahafat ka rukh kiya aur phir nasri afsana. Be shumar afsane likhe aur nau, das novel likhe. Jin mein se ek novel El Indian par us ne 1931 mein national prize hasil kiya.