Aabai ghar aik se hotay hain Dewarion, dalaanon, baramadon, kamron aur rasoiyon mein batay hue Lekin aik doosre ke sath jude hue Aabai gharon mein Ghisi hue surkh aintuon ke farsh Aur chuna gach nam khorda deewaron Be tehasha barhi hue belain Chhaton par lagi hue lambi ghaas Aur aamli aur amaltas ke darakht Aik daaimi soghwariyat liye hue Aik hi janib khamoshi se dekhte rehte hain Aabai gharon ke andar cheezein bhi aik si hoti hain Parchiyon par peetal aur tanbe ke bartan Gard jhadne, qulai karne wale haathon ka intezar karte hain Chinyot ka furniture Aur Gujrati ki pialian aur cheenkain Khali pari rehti hain Khotiyon par latakay hue kapray aur barsatiyan Utrenay ki muntazir rehti hain Aur chehel qadmi ki chiryan aur khondiyan Sahara lene wale haathon ko dhoondti hain Frame kiye hue shajaray, Black and white aur sepia tasweeren Aur taqon mein rakhi hue muqaddas kitabein Aur kamraedi door ka marxi adab Sab kuch apni apni jagah pada hota hai Aabai gharon ke makkan bhi aik se hote hain Bahari darwazon par nazarain jamaaye, aakhri number ka chashma lagaye Beinai se takriban mehroom maaen Aur rashaaah zada haathon wale baap Aur apne taein kisi azeem maqsad ke liye jaan dene walon ki biwayein Jo kabhi jawan aur pur josh rahi hongi Aabai gharon mein log nahi saatein aur sadiyan bemar hoti hain Zamane khansate hain Aabai ghar laut aane ke waadon par Bawafa dehaati mehbooba ki tarah sada aitbaar karte hain Aur kabhi waapas naa aane walon ke liye Dil aur darwaze khule rakhte hain Shaeroon ke liye Aabai galiyon ki dopahron Aur pichwaade ke baghon se bada romans kya ho sakta hai Jahan titliyan paron ka tawazun barqarar nahi rakh sakti Aur phoolon aur patton par kresh landing karti hain Aur dhoop aur baarish ke baghair Qaus-e-qazah jaisi hansi bikharti hai Aur nasaem jaisi larkiyan saat rangon ki ginti bhool jaati hain Aabai gharon mein waqt boorha nahi hota Darasal hum bachay nahi rehte Aur khilonon ke bajaye asli kaam chalane lagte hain Aur kabhi kabhi asli ginain bhi... Aabai gharon ko jaane walay rastay bhi aik se hote hain Sunsan aur gard aalood Musafiron se tehhi Jin par baghule udte hain Ya meit uthaye kabhi kabhi koi ambulance guzarti hai Phulahi aur keekron se dhakay aabai qabristan Thorhi deer ke liye abad hote hain Aur phir duayein aur baaton ki bhan bhan mein Manzar tatar batat jata hai Yahan tak ke mosam se aktaaye hue Badal bhi kisi pahari qasbe ki taraf chale jaate hain Aabai raston ke dukh nazmaaye nahi ja sakte Unhe yaad karte hue roya bhi nahi ja sakta Yeh sirf kisi apne jaise ke sath share kiye ja sakte hain Umraein guzar jati hain Shehron mein aur mulkon mein Lakdi ke sandook aur petiyon hamari jaan nahi chhodti hain Gharo mein koi jagah na ho To dilon aur zehnon ke kabar khanon mein rakhi rehti hain.. kabhi na khulne ke liye Aur phir aik din hum khud band ho jaate hain Zameen par aakhri din ane se pehle Hamare din poore ho jaate hain__!!