خريد وفروخت

سوال:کیا فرماتے ہیں مفتیانِ کرام مندرجہ ذیل مسئلہ کے بارے میں کہ زید نے ایک دُکان خریدی،جس کی مالیت تقریباً 62 باسٹھ لاکھ تھی،اب وہ اپنیبیٹوں کو یہ دُکان فروخت کرنا چاہے تو فروخت کرسکتا ہے، یا نہیں؟ اور اگر متعاقدین 40 چالیس لاکھ روپے پر راضی ہو جائیں،تو باپ اور بیٹوں کے درمیان یہ عقد جائز ہوگا،یا نہیں؟ یا اتنی ہی قیمت میں خریدنا واجب ہوگا،جتنی قیمت پر والد نے دُکان خریدی تھی، براہِ کرم شریعت کی روشنی میں رہنمائی فرمائیں۔

سوال:کیا فرماتے ہیں مفتیانِ کرام مندرجہ ذیل مسئلہ کے بارے میں کہ اگر بائع اور مشتری کے درمیان ایک گھر کی خرید و فروخت ہو ئی،مشتری نے ایک لاکھ روپے بیعانہ بھی دے دیا،اب اگر بائع یہ بیع ختم کرنا چاہتا ہیتو وہ ایک لاکھ کی جگہ دو لاکھ روپے مشتری کو ادا کرے گا،اور اگر مشتری بیع کو ختم کرے گاتو اس کے لاکھ روپے جو بیعانہ میں دیئے تھے وہ ضبط ہوجائیں گے،شریعت مطہرہ میں اس کا کیا حکم ہے،آیا اس طرح کرنا جائز ہے،اس کی جائز صورت کیا ہوسکتی ہے۔

والد صاحب کو مکان خریدنے کے لیے بلانیت آدھی رقم دینے اوراس مکان کی ملکیت واستحقاق کا حکم
سوال :کیا فرماتے ہیں مفتیان کرام اس مسئلے کے بارے میں کہ ہم جس مکان میں رہتے ہیں یہ 1995ء میں خریدا تھا پانچ لاکھ چالیس ہزارمیں،تین لاکھ میرے والد صاحب نے اور دو لاکھ پچاس ہزار میں نے دیے تھے، اس وقت ہم تین بھائی تھے، بڑا بھائی پی آئی اے میں، دوسرا نیوی میں اور میں گورنمنٹ سروس کرتا تھا، میں پارٹ ٹائم بھی کرتا اور دونوں کاموں کی تنخواہ بھی پوری اپنے والدین کو دیتا تھااورکچھ پیسے بچاکر بیسیاں ڈالتا تھا، جب یہ رقم میں نے گھر کی خریداری میں اپنے والد کو دی تھی مبلغ ڈھائی لاکھ، او راب میرا بھائی والد صاحب کے جیتے جی مکان میں پورا حصہ مانگ رہا ہے، جب کہ والد صاحب نے کہا ہے کہ آدھے مکان کا حق دار فیاض ہے اور آدھا میرا ہے، اس آدھے میں تین بیٹے اور چاربیٹیاں حصے دار ہیں، جناب دین اسلام اور شریعت میں جو ہے اس حساب سے فتوی دیں تاکہ کسی کی حق تلفی بھی نہ ہو اور نبی پاک صلی اللہ علیہ وسلم کے قانون کے مطابق مسئلہ بھی حل ہو جائے، اس وقت مکان کی قیمت تقربیاً پچاس سے ساٹھ لاکھ روپے تک ہے۔