نعت رسول کریمﷺ

مصنف : اقبال عظیم

سلسلہ : نعت

شمارہ : جولائی 2013

Click here to read in English

 

نعت میں کیسے کہوں ان کی رضا سے پہلے
میرے ماتھے پہ پسینہ ہے ثنا سے پہلے
 
نور کا نام نہ تھا عالمِ امکاں میں کہیں
جلوۂ صاحب لولاک لما سے پہلے
 
اْن کا در وہ درِ دولت ہے جہاں شام و سحر
بھیک ملتی ہے فقیروں کو صدا سے پہلے
 
اب یہ عالم ہے کہ دامن کا سنبھلنا ہے محال
کچھ بھی دامن میں نہ تھا ان کی عطا سے پہلے
 
تم نہیں جانتے شاید میرے آقا کا مزاج
اْن کے قدموں سے لپٹ جاؤ سزا سے پہلے
 
چشم رحمت سے ملا اشک ندامت کا جواب
مشکل آسان ہوئی قصد دعا سے پہلے
 
میری آنکھیں میرا رستہ جو نہ روکیں اقبال
میں مدینے میں ملوں راہ نما سے پہلے