Woh Nabiyo mein rahmat laqab paane wala Muradien ghareebon ki bar laane wala Musibat mein ghairon ke kaam aane wala Woh apne paraye ka gham khaane wala Faqiron ka malja za'ifon ka mawia Yatimo ka wali ghulamo ka maula Khata kaar se darguzar karne wala Bad andesh ke dil mein ghar karne wala Mufasid ka zair o zabar karne wala Qabail ko sher o shikar karne wala Utar kar hira se soye qoum aya Aur ek nuskha kimya sath laya Masi-e-kham ko jis ne kundan banaya Khara aur khota alag kar dikhaya Arab jis pe qarnon se tha jahal chhaya Palat di bas ek aan mein us ki kaya Raha dar na bairay ko moje billa ka Idhar se idhar phir gaya rukh hawa ka