Aata hai sukoon dil ko muyassar tere ghar mein Sab aala o adna hain barabar tere ghar mein Rehti nahi ghurbat ki shikayat usay hargiz Ho jata hai aabad jo be ghar tere ghar mein Lehte hain usay thaam wahein barh ke farishte Khata hai jo mamooli si thokar tere ghar mein Rakhte hain jo pehchaan baqa aur fana ki! Chamakatey hain woh aake muqaddar tere ghar mein Kuch der to shaitan ki chaalon se bachen ge Yeh soch ke aa jate hain aksar tere ghar mein Sadiyon se usay chumne aata hai zamana Hai qabil sad rashk jo patthar tere ghar mein Ho jayen jo poore bashariyat ke taqazay Kafir hai jo lautay kabhi ja kar tere ghar mein