ظہور نبی سے اجالا ہوا
جہاں میں نیا اک سویرا ہوا
جہالت کی کالی گھٹا اب کہاں
وہ روشن ستارہ ہویدا ہوا
دلوں سے کدورت کے بادل چھٹے
محبت کا ہر دل خزینہ ہوا
محبت و شفقت کا پیکر نبی
ہدایت و رحمت سراپا ہوا
محمد نے فرمان تھا جو دیا
وہی اب جہاں کا صحیفہ ہوا
غلامی ہزاروں خداؤں کی تھی
(ق)
اثر شیطنت کا تھا چھایا ہوا
نبی نے مٹایا غلامی کو ایسے
کہ انسان اک رب کا بندہ ہوا
یہ نعت نبی جو لکھی ہے خضر
تو اس کے کرم کا سایا ہوا
