دل و نگاہ میں مری ہے جمال رسولؐ
صبح و شام ہوں میں محوِ خیال رسولؐ
جن کا مدح سرا ہے خدائے قدیر
کیا مجال کروں میں مدحِ کمال رسولؐ
نور سے جس کے بنی یہ کائنات
مہر و ماہ سے برتر جمالِ رسولؐ
حشر میں جائیں گے بخشے گنہگار سبھی
شفاعت کا ہو گا جب سوالِ رسولؐ
اُن سا ہوا نہ ہو گا ہرگز کبھی
لائے کوئی کیونکر مثال رسولؐ
مرضی سے ان کی قبلہ ہی بدل گیا
کبھی بھی پھرا نہ خالی سوالِ رسولؐ
عشق نبی سے پایا درجۂ عظمیٰ
گرچہ تھے حبشی وہ بلالِ رسولؐ
جس کو ہو خواہش حیاتِ ابد
لے دامنِ صحب و آلِ رسولؐ
پوچھے کسی حسیں کو کس لیے سرورؔ
نظروں میں ہو جب خد و خالِ رسولؐ
