نعت رسول کریمﷺ

مصنف : حفیظ تائب

سلسلہ : نعت

شمارہ : اگست 2012

 

محبت کہہ رہی ہے نعت بے خوف و خطر لکھیں
مگر اذن شریعت ہے جو لکھیں سوچ کر لکھیں
 
وہ ممدوح خدا ہیں آپ یہ کیوں بھول جاتے ہیں
اگر ہو نعت لکھنا تھام کر قلب و جگر لکھیں
 
فقط اسم گرامی ہی رقم کر دیں تو کافی ہے
کہے گر نعت کوئی مختصر سے مختصر لکھیں
 
مزہ لکھنے کا جب ہے سامنے ہو گنبد خضری
بھلا روضے کا منظر بیٹھ کر کیا اپنے گھر لکھیں
 
غلو کا شائبہ تک بھی نہ ہو اس میں کہیں تائب
مدینے کے جو ہر ذرے کو ہم رشک گہر لکھیں