نعت رسول کریمﷺ

مصنف : امجد اسلام امجدؔ

سلسلہ : نعت

شمارہ : ستمبر 2013

 

میرے احساس کے دریا میں روانی تجھ سے 
اے گل جان مرے ہونے کی نشانی تجھ سے
 
موسم گل بھی ترا ، فصل خزاں بھی تیری
میری آواز کے صحراؤں میں پانی تجھ سے 
 
تجھ سے ہی میری تمناؤں نے وسعت پائی
آنکھ کے رنگ ، سماعت کے معانی تجھ سے
 
تجھ سے آنکھوں نے لیا رنگ پرکھنے کا ہنر
لفظ کی جادوگری نطق نے جانی تجھ سے 
 
تو جو چاہے تو سمندر کو کنارا کر دے 
خاک کے بخت میں پیدا ہو گرانی تجھ سے